ಮಾತೃ ಹೃದಯದಿ ಹುದುಗಿದ ಮಾತೃತ್ವದ ಕನ್ನಡ ಅಕ್ಷರ ತಿದ್ದಿ ತೀಡಿ ಬಿತ್ತಿದ ಗುರುವರ್ಯರಾದ ಕನ್ನಡ ಭಾಷೆಯ ಶಿಕ್ಷಕರಿಗೆ, ಆಂಗ್ಲರ ಪ್ರಭಾವದಿ ತಳವೂರಿದ ಇಂಗ್ಲೀಷ್ ಭಾಷೆಯ ಇಪ್ಪತ್ತಾರು ಅಕ್ಷರಗಳ ಸರಳತೆಯ ನುಡಿಗಳು ಮಸ್ತಕಕೆ ತುಂಬಿದ ಇಂಗ್ಲಿಷ್ ಭಾಷಾ ಶಿಕ್ಷಕರಿಗೆ
ರಾಷ್ಟ್ರೀಯ ಭಾಷೆಯ ಹಿಂದಿಯ ಅಕ್ಷರಗಳ ರಾಷ್ಟ್ರೀಯ ಪ್ರೇಮವ ಹೃದಯಕೆ ಹತ್ತಿರ ತಂದು ಹಿಂದಿಯ ಹಂಬಲ ಹಿಡಿಸಿದ ಹಿಂದಿ ಭಾಷೆಯ ಶಿಕ್ಷಕರಿಗೆ, ಬದುಕಿನ ವ್ಯವಹಾರಗಳ ಸರಳತೆಯ ಸೂತ್ರಗಳನ್ನು ಒಳ್ಳೇಯದು ಕೂಡಿಸಿ ಕೆಟ್ಟದ್ಧನ್ನು ಕಳೆಯಲು ಗುಣಗಳು ಗುಣಿಸಿ ಸಹಾಯು ಭಾಗಿಸುವ. ಸುಹಾಸವ ಕಲಿಸಿದ ಗಣಿತ ಶಿಕ್ಷಕರಿಗೆ.
ಕಡಿಮೆ ಶ್ರಮದಿ ಹೆಚ್ಚಿನ ಕೆಲಸ ಪಡೆಯಲು ಅಜ್ಞಾನವ ಅಳಿಸಿ ವೈಜ್ಞಾನಿಕತೆ ತುಂಬಿದ ಸತ್ಯದ ದರ್ಶನ ಮಾಡಿಸಿರುವ ಆರೋಗ್ಯದ ಅರಿವನು ಮೂಡಿಸಿರುವ ವಿಜ್ಞಾನ ಶಿಕ್ಷಕರಿಗೆ, ಜಗವು ಆಳಿ ಅಳಿದ ಉಳಿದ ಸಾಮ್ರಾಜ್ಯವು ಶೂರರ ಧೀರರು ಹೀಗೆ ಇತ್ತು ಎಂದು ಇತಿಹಾಸ ತಿಳಿಸಿರುವ ಸಮಾಜ ವಿಜ್ಞಾನ ಶಿಕ್ಷಕರಿಗೆ.
ದೈಹಿಕ ಮಾನಸಿಕ ಆರೋಗ್ಯಕೆ ದೇಹವು ದಂಡಿಸಿವ ಯೋಗದ ಮಾರ್ಗವು ನೀಡಿ ಕ್ರೀಢೆಯು ಬದುಕಿನ ಅಂಗವೆಂದು ತಿಳಿಸಿರುವ ದೈಹಿಕ ಶಿಕ್ಷಣ ಶಿಕ್ಷಕರಿಗೆ, ಸೃಜನಶೀಲಯೆ ಹೊಸ ರೂಪಗಳ ಸೃಷ್ಟಿವ ಬಣ್ಣಗಳ ಬದುಕಿನ ಒಡನಾಟ ರೇಖೆಯ ಮೇಲೆ ಜೀವವು ತುಂಬಿಸಿ, ಕಲೆಯೆ ಮಹತ್ವ ತಿಳಿಸಿರುವ ಚಿತ್ರಕಲಾ ಶಿಕ್ಷಣ ಶಿಕ್ಷಕರಿಗೆ,
ಸಪ್ತ ಸ್ವರಗಳ ಸಂಗೀತ ನಾದವು ತುಂಬಿ ಹಾಡು ಕೋಗಿಲೆ ಮಾಡಿ ಸಂಗೀತ ಸಂಗವನು ಬೆಸಿಸಿರುವ. ಸಂಗೀತ ಶಿಕ್ಷಣ ಶಿಕ್ಷಕರಿಗೆ ನಿಮ್ಮಯ ನಿಸ್ವಾರ್ಥದ ಸೇವೆಯು ನಮ್ಮಯ ಬದುಕನು ಬೆಳಗಿಸಿರುವ ಶಿಕ್ಷಕ ವೃಂದಕ್ಕೆ.
ಶಿಕ್ಷಕ ದಿನಾಚರಣೆಯ ಶುಭಾಶಯಗಳು
ಸಂಗ್ರಹ: ಯತೀಶ್ ಕುಮಾರ್