ಫಿನ್‌ಲ್ಯಾಂಡ್ ವಿಶ್ವದ ಮೊದಲ ಡಿಜಿಟಲ್ ಪಾಸ್‌ಪೋರ್ಟ್ ಅನ್ನು ಪರೀಕ್ಷಿಸಲು ತಯಾರಿ ನಡೆಸುತ್ತಿದೆ. ಪಾಸ್‌ಪೋರ್ಟ್ ಸಂಬಂಧಿತ ವಿಷಯಗಳನ್ನು ಸುವ್ಯವಸ್ಥಿತಗೊಳಿಸಲು ಮತ್ತು ನಾಗರಿಕರಿಗೆ ಉತ್ತಮ ಪ್ರಯಾಣದ ಅನುಭವವನ್ನು ಒದಗಿಸಲು ಡಿಜಿಟಲ್ ಪಾಸ್‌ಪೋರ್ಟ್ ಅನ್ನು ಯುರೋಪಿಯನ್ ಯೂನಿಯನ್ ಪ್ರಾಯೋಗಿಕವಾಗಿ ನಡೆಸುತ್ತಿದೆ.
ಇದು ಶೀಘ್ರದಲ್ಲೇ ಯುರೋಪಿನಾದ್ಯಂತ ಜಾರಿಗೆ ತರಲು ಉದ್ದೇಶಿಸಲಾಗಿದೆ. ಡಿಜಿಟಲ್ ಟ್ರಾವೆಲ್ ರುಜುವಾತುಗಳನ್ನು (DTC), ಪಾಸ್‌ಪೋರ್ಟ್‌ನ ಡಿಜಿಟಲ್ ರೂಪವನ್ನು ಪ್ರಾಯೋಗಿಕ ಆಧಾರದ ಮೇಲೆ ದೇಶದಲ್ಲಿ ಪರಿಚಯಿಸಲಾಗಿದೆ.
ಸ್ಮಾರ್ಟ್‌ಫೋನ್‌ನಲ್ಲಿರುವ ಪಾಸ್‌ಪೋರ್ಟ್ ಅನ್ನು ಡಿಟಿಸಿ ಎಂದು ಕರೆಯಲಾಗುತ್ತದೆ. ಫಿನ್ನೈರ್ ಮತ್ತು ಫಿನ್ನಿಷ್ ಪೋಲೀಸರ ಸಹಕಾರದೊಂದಿಗೆ ಹೆಲ್ಸಿಂಕಿಯಲ್ಲಿ ಇದನ್ನು ಅಳವಡಿಸಲಾಗಿದೆ. 2023ರ ಅಂತ್ಯದ ವೇಳೆಗೆ ಕ್ರೊಯೇಷಿಯಾದಲ್ಲೂ ಡಿಜಿಟಲ್ ಪಾಸ್‌ಪೋರ್ಟ್ ಜಾರಿಯಾಗಲಿದೆ ಎಂಬ ವರದಿಗಳಿವೆ. 2030 ರ ವೇಳೆಗೆ, ಯುರೋಪಿನ ಜನಸಂಖ್ಯೆಯ 80 ಪ್ರತಿಶತದಷ್ಟು ಜನರು ಡಿಜಿಟಲ್ ಪಾಸ್‌ಪೋರ್ಟ್‌ಗಳಿಗೆ ಬದಲಾಗುವ ನಿರೀಕ್ಷೆಯಿದೆ.
ಡಿಜಿಟಲ್ ಪಾಸ್‌ಪೋರ್ಟ್‌ಗಳು ಭದ್ರತೆಯಲ್ಲಿ ರಾಜಿ ಮಾಡಿಕೊಳ್ಳದೆ ಅಂತಾರಾಷ್ಟ್ರೀಯ ಪ್ರಯಾಣವನ್ನು ಇನ್ನಷ್ಟು ಸುಲಭಗೊಳಿಸುತ್ತವೆ.