ಪ್ರಧಾನಿ ನರೇಂದ್ರ ಮೋದಿಯವರ ಉಡುಗೊರೆಗಳು ಹರಾಜಿಗೆ! ಇತ್ತೀಚಿನ ಸುತ್ತಿನ ಇ-ಹರಾಜಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಉಡುಗೊರೆಯಾಗಿ ನೀಡಲಾದ 900 ಕ್ಕೂ ಹೆಚ್ಚು ಉಡುಗೊರೆಗಳು ಮತ್ತು ಸ್ಮರಣಿಕೆಗಳು ಹರಾಜಾಗಿವೆ. ಸೋಮವಾರ ಆರಂಭವಾದ ಇ-ಹರಾಜು ಅಕ್ಟೋಬರ್ 31ಕ್ಕೆ ಮುಕ್ತಾಯವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರದರ್ಶನದ ಭಾಗವಾಗಿ ಕೆಲವು ವಸ್ತುಗಳನ್ನು ನ್ಯಾಷನಲ್ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್ಸ್ (NGMA) ನಲ್ಲಿ ಪ್ರದರ್ಶಿಸಲಾಗಿದೆ. ಇದು ಹರಾಜು ಸರಣಿಯ ಐದನೇ ಆವೃತ್ತಿಯಾಗಿದ್ದು, ಮೊದಲನೆಯದನ್ನು ಜನವರಿ 2019 ರಲ್ಲಿ ನಡೆಸಲಾಯಿತು ಎಂದು ಸಂಸ್ಕೃತಿ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
ಉಡುಗೊರೆಗಳ ಬೆಲೆ 100 ರಿಂದ 64 ಲಕ್ಷ ರೂ. ಇವುಗಳಲ್ಲಿ ಕೆಲವು ದೆಹಲಿಯ ನ್ಯಾಷನಲ್ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್‌ನಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ. ಉಳಿದವು ವೆಬ್‌ ಸೈಟ್ ನಲ್ಲಿ ಲಭ್ಯವಿದೆ. ಗುಜರಾತ್ ನ ಮೊಧೇರಾದಲ್ಲಿರುವ ಸೂರ್ಯ ದೇವಾಲಯದ ಪ್ರತಿಕೃತಿಗಳು, ಚಿತ್ತೋರ್‌ ಗಢದ ವಿಜಯ ಸ್ತಂಭ ಮತ್ತು ವಾರಣಾಸಿಯ ಘಾಟ್‌ ನ ವರ್ಣಚಿತ್ರಗಳು ಹರಾಜಿನಲ್ಲಿವೆ. ಮೋದಿಯವರ 900 ಕ್ಕೂ ಹೆಚ್ಚು ಉಡುಗೊರೆಗಳು ಮತ್ತು ಸ್ಮರಣಿಕೆಗಳು ಹರಾಜಿನಲ್ಲಿವೆ.
ಹರಾಜಿನ ಬಗ್ಗೆ ಪ್ರಧಾನಿ ಟ್ವಿಟರ್ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ. “ಇಂದಿನಿಂದ, ನ್ಯಾಷನಲ್ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್‌ನಲ್ಲಿನ ಪ್ರದರ್ಶನವು ನಾನು ಇತ್ತೀಚೆಗೆ ಸ್ವೀಕರಿಸಿದ ವ್ಯಾಪಕ ಶ್ರೇಣಿಯ ಉಡುಗೊರೆಗಳು ಮತ್ತು ಸ್ಮರಣಿಕೆಗಳನ್ನು ಪ್ರಸ್ತುತಪಡಿಸುತ್ತದೆ.
ಇವೆಲ್ಲವೂ ಭಾರತದ ಶ್ರೀಮಂತ ಸಂಸ್ಕೃತಿ, ಸಂಪ್ರದಾಯ ಮತ್ತು ಕಲಾ ಪರಂಪರೆಯ ಪುರಾವೆಗಳಾಗಿವೆ. ಇವುಗಳನ್ನು ಹರಾಜು ಮಾಡಲಾಗುವುದು ಮತ್ತು ಆದಾಯವನ್ನು ನಮಾಮಿ ಗಂಗೆ ಉಪಕ್ರಮವನ್ನು ಬೆಂಬಲಿಸಲು ಮೀಸಲಿಡಲಾಗುವುದು ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.