ಪುಣೆಯ ದೇವಸ್ಥಾನಗಳು ರಕ್ತದಾನ ಶಿಬಿರಗಳನ್ನು ನಡೆಸುವ ಮೂಲಕ ಮಾದರಿಯಾಗುತ್ತಿವೆ. ಶ್ರೀ ಸದ್ಗುರು ಶಂಕರ ಮಹಾರಾಜ್, ಶ್ರೀ ಮೋರಯಾ ಗೋಸಾವಿ ಸಂಜೀವನ ಸಮಾಧಿ ದೇವಸ್ಥಾನದಂತಹ ದೇವಾಲಯಗಳು ತಮ್ಮ ರಕ್ತದಾನ ಶಿಬಿರಗಳಲ್ಲಿ ಸಂಗ್ರಹಿಸಿದ ರಕ್ತದಿಂದ ನೂರಾರು ಜೀವಗಳನ್ನು ಉಳಿಸುವ ಮೂಲಕ ಸಮಾಜದಲ್ಲಿ ಬದಲಾವಣೆಯನ್ನು ತರುತ್ತಿವೆ. ಟೈಮ್ಸ್ ಈ ಮಾಹಿತಿಯನ್ನು ವರದಿ ಮಾಡಿದೆ.
ಕರೋನಾದಿಂದಾಗಿ ರಕ್ತದಾನ ಮಾಡಲು ಕಷ್ಟವಾದಾಗ 2019 ರ ಜೂನ್‌ ನಲ್ಲಿ ದಂಗವಾಡಿಯ ಶಂಕರ ಮಹಾರಾಜ್ ದೇವಸ್ಥಾನ ಟ್ರಸ್ಟ್ ಮೊದಲ ರಕ್ತದಾನ ಶಿಬಿರವನ್ನು ಪ್ರಾರಂಭಿಸಿತು. ನಂತರ ಈ ಕಲ್ಪನೆಯು ಜನಪ್ರಿಯವಾಗಲು ಪ್ರಾರಂಭಿಸಿತು. ಎರಡು ತಿಂಗಳ ಹಿಂದೆ ಚಿಂಚವಾಡದ ಶ್ರೀ ಮೋರಯಾ ಗೋಸಾವಿಯ ಸಂಜೀವನ ಸಮಾಧಿ ದೇವಸ್ಥಾನದಲ್ಲಿ ಶಿಬಿರವನ್ನು ಆಯೋಜಿಸಲಾಗಿತ್ತು.
ಶಿಬಿರಗಳಲ್ಲಿ ಸಂಗ್ರಹಿಸಿದ ರಕ್ತವನ್ನು ಸಸೂನ್ ಆಸ್ಪತ್ರೆ, ಔಂಧ್ ಜಿಲ್ಲಾ ಆಸ್ಪತ್ರೆ, ಸಹ್ಯಾದ್ರಿ ಆಸ್ಪತ್ರೆ, ಕೆಇಎಂ ಆಸ್ಪತ್ರೆ, ರೂಬಿ ಹಾಲ್ ಕ್ಲಿನಿಕ್, ಭಾರತಿ ಆಸ್ಪತ್ರೆ ಮುಂತಾದ ಪ್ರಮುಖ ಆಸ್ಪತ್ರೆಗಳಿಗೆ ನೀಡಲಾಗುತ್ತದೆ. ಮುಂದಿನ ತಿಂಗಳು ಅಷ್ಟವಿನಾಯಕ ದೇವಸ್ಥಾನಗಳಲ್ಲಿ ಒಂದಾದ ರಂಜನಗಾಂವ್‌ ನ ಮಹಾಗಣಪತಿ ದೇವಸ್ಥಾನ ಟ್ರಸ್ಟ್ ನಲ್ಲೂ ರಕ್ತದಾನ ಶಿಬಿರ ಆರಂಭವಾಗಲಿದೆ.
ಶಂಕರ ಮಹಾರಾಜ ದೇವಸ್ಥಾನ ಟ್ರಸ್ಟ್ ಆರಂಭವಾದಾಗಿನಿಂದ ಶಿಬಿರಗಳಲ್ಲಿ 7,831 ರಕ್ತದ ಚೀಲಗಳನ್ನು ಸಂಗ್ರಹಿಸಲಾಗಿದೆ ಎಂದು ದೇವಸ್ಥಾನದಲ್ಲಿ ಜಾಗೃತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡುವ ಎನ್‌ಜಿಒ ‘ರಕ್ತಾಚೆ ನಾಟೆ’ ಸಂಸ್ಥಾಪಕ ರಾಮ್ ಬಂಗಡ್ ಹೇಳಿದರು.
ಆದರೆ ಈ ದೇವಸ್ಥಾನದಲ್ಲಿ ಪ್ರತಿ ಶಿಬಿರಕ್ಕೆ ಸರಾಸರಿ 400 ರಕ್ತದ ಚೀಲಗಳು ಏರಿದವು. ಪ್ರತಿ ಗುರುವಾರ ಸಹಸ್ರಾರು ಭಕ್ತರು ದೇವಾಲಯಗಳಿಗೆ ಭೇಟಿ ನೀಡುವುದರಿಂದ ಜಾಗೃತಿ ಮೂಲಕ ಅನೇಕ ರಕ್ತದಾನಿಗಳನ್ನು ಕಂಡುಕೊಳ್ಳಲಾಗಿದೆ ಎಂದರು.
ನಮ್ಮತುಮಕೂರು.ಕಾಂನ ಕ್ಷಣ ಕ್ಷಣದ ಸುದ್ದಿಗಳನ್ನು ಪಡೆದುಕೊಳ್ಳಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 9686399493 ನಂಬರ್ ಸೇರಿಸಿಕೊಳ್ಳಿ.
ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/L4EDpegaxhmLTkOnd50sAy