ಶ್ರೀಲಂಕಾ ಸಂಪುಟದಿಂದ ಕ್ರೀಡಾ ಸಚಿವ ರೋಷನ್ ರಣಸಿಂಘೆ ಅವರನ್ನು ವಜಾಗೊಳಿಸಲಾಗಿದೆ. ಇಂದಿನ ಸಚಿವ ಸಂಪುಟ ಸಭೆಯಲ್ಲಿ ಅಧ್ಯಕ್ಷ ರನಿಲ್ ವಿಕ್ರಮಸಿಂಘೆ ಈ ನಿರ್ಧಾರವನ್ನು ಪ್ರಕಟಿಸಿದ್ದಾರೆ. ಅಧ್ಯಕ್ಷರು ಕ್ರಿಕೆಟ್ ಮಂಡಳಿಯಲ್ಲಿನ ಭ್ರಷ್ಟಾಚಾರವನ್ನು ಬೇರು ಸಮೇತ ಕಿತ್ತೊಗೆಯಲು ಯತ್ನಿಸಿದಾಗ ಅವರನ್ನು ಕೊಲ್ಲಲು ಪ್ರಯತ್ನಿಸುತ್ತಿದ್ದಾರೆ ಎಂದು ಕ್ರೀಡಾ ಸಚಿವರು ಈ ಹಿಂದೆ ಆರೋಪಿಸಿದ್ದರು.
ವಿಶ್ವಕಪ್ ನಲ್ಲಿ ಭಾರತದ ವಿರುದ್ಧ ಶ್ರೀಲಂಕಾದ ದಯನೀಯ ಸೋಲಿನ ನಂತರ ಕ್ರೀಡಾ ಸಚಿವರು ಇಡೀ ಶ್ರೀಲಂಕಾ ಕ್ರಿಕೆಟ್ ಮಂಡಳಿಯನ್ನು (ಎಸ್ ಎ ಲ್‌ಸಿ) ವಿಸರ್ಜಿಸಿದ್ದಾರೆ. ನಂತರ 1996 ರ ವಿಶ್ವಕಪ್ ವಿಜೇತ ನಾಯಕ ಅರ್ಜುನ ರಣತುಂಗ ನೇತೃತ್ವದಲ್ಲಿ ಮಧ್ಯಂತರ ಸಮಿತಿಯನ್ನು ನೇಮಿಸಲಾಯಿತು. ಸಮಿತಿಯು ಮಾಜಿ ಸುಪ್ರೀಂ ಕೋರ್ಟ್ ನ್ಯಾಯಾಧೀಶರು ಮತ್ತು ಮಾಜಿ ಮಂಡಳಿಯ ಅಧ್ಯಕ್ಷರು ಸೇರಿದಂತೆ ಏಳು ಸದಸ್ಯರನ್ನು ಒಳಗೊಂಡಿದೆ.
ನ.7ರಂದು ನ್ಯಾಯಾಲಯವು ಕ್ರೀಡಾ ಸಚಿವರು ನೇಮಿಸಿದ್ದ ಮಧ್ಯಂತರ ಸಮಿತಿಯ ಕಾರ್ಯವನ್ನು ತಾತ್ಕಾಲಿಕವಾಗಿ ತಡೆಹಿಡಿದು ಮಧ್ಯಂತರ ಆದೇಶ ಹೊರಡಿಸಿತ್ತು. ಎಸ್ ಎಲ್‌ ಸಿ ಅಧ್ಯಕ್ಷ ಶಮ್ಮಿ ಸಿಲ್ವಾ ಸಲ್ಲಿಸಿದ್ದ ರಿಟ್ ಅರ್ಜಿಯ ಮೇರೆಗೆ ಮೇಲ್ಮನವಿ ನ್ಯಾಯಾಲಯ ಈ ಆದೇಶ ನೀಡಿದೆ. ಶ್ರೀಲಂಕಾ ಅಧ್ಯಕ್ಷ ರನಿಲ್ ವಿಕ್ರಮಸಿಂಘೆ ಅವರು ಕ್ರಿಕೆಟ್ ಮಂಡಳಿಯನ್ನು ಬದಲಾಯಿಸುವ ಕ್ರೀಡಾ ಸಚಿವರ ಕ್ರಮದಿಂದ ಕೆರಳಿದ್ದಾರೆ. ಕ್ರೀಡಾ ಸಚಿವರ ನಿರ್ಧಾರವು ಅಧ್ಯಕ್ಷರಿಂದ ವಾಗ್ದಂಡನೆಗೆ ಕಾರಣವಾಯಿತು.
ಇದಾದ ಬಳಿಕ ಕ್ರೀಡಾ ಸಚಿವರು ಅಧ್ಯಕ್ಷ ರನಿಲ್ ವಿಕ್ರಮಸಿಂಘೆ ವಿರುದ್ಧ ಹತ್ಯೆ ಯತ್ನದ ಆರೋಪ ಹೊರಿಸಿದರು. “ಕ್ರಿಕೆಟ್ ಬೋರ್ಡ್ ಅನ್ನು ಸ್ವಚ್ಛಗೊಳಿಸಲು ಪ್ರಯತ್ನಿಸಿದ್ದಕ್ಕಾಗಿ ನಾನು ಕೊಲ್ಲಲ್ಪಡಬಹುದು. ಒಂದು ವೇಳೆ ನನ್ನನ್ನು ರಸ್ತೆಯಲ್ಲಿ ಕೊಂದರೆ ಅಧ್ಯಕ್ಷರು ಮತ್ತು ಅವರ ಮುಖ್ಯಸ್ಥರು ಜವಾಬ್ದಾರರು” ಎಂದು ಅವರು ಸಂಸತ್ತಿನಲ್ಲಿ ಹೇಳಿದರು. ಈ ಹೇಳಿಕೆ ನೀಡಿದ ಕೆಲವೇ ಗಂಟೆಗಳಲ್ಲಿ ಕ್ರೀಡಾ ಸಚಿವರು ಶ್ರೀಲಂಕಾ ಸಂಪುಟದಿಂದ ಹೊರಬಿದ್ದರು.