ಮೇಕೆ ಕದ್ದ ಆರೋಪದ ಮೇಲೆ ದಲಿತ ಯುವಕ ಮತ್ತು ಆತನ ಸ್ನೇಹಿತನ ಮೇಲೆ ದೌರ್ಜನ್ಯ ನಡೆಸಿ ತಲೆಕೆಳಗಾಗಿ ನೇಣು ಬಿಗಿದು ಥಳಿಸಲಾದ ಘಟನೆ ತೆಲಂಗಾಣದ ಮಂಚಿರಿಯಾಲ್ ಜಿಲ್ಲೆಯಲ್ಲಿ ನಡೆದಿದೆ. ಘಟನೆಗೆ ಸಂಬಂಧಿಸಿದಂತೆ ಮಹಿಳೆ ಸೇರಿದಂತೆ ಮೂವರನ್ನು ಪೊಲೀಸರು ಬಂಧಿಸಿದ್ದಾರೆ.
ಶಂಕಿತ ಮೇಕೆ ಶುಕ್ರವಾರ ನಾಪತ್ತೆಯಾಗಿದೆ. ಮೇಕೆ ಕದ್ದ ಆರೋಪದ ಮೇಲೆ ದಲಿತ ಯುವಕರನ್ನು ಶೆಡ್‌ ಗೆ ಕರೆಸಲಾಗಿತ್ತು. ನಂತರ ಅವರನ್ನು ಹೊಡೆದು ತಲೆಕೆಳಗಾಗಿ ನೇತು ಹಾಕಲಾಗಿದ್ದು, ಕೆಳಗೆ ಬೆಂಕಿ ಹಚ್ಚಿ ಹೊಡೆತ ಮುಂದುವರೆಸಿದರು.
ಘಟನೆಯ ದೃಶ್ಯಾವಳಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಪೊಲೀಸರು ಕೊಮುರಾಜುಲ ರಾಮುಲು, ಅವರ ಪತ್ನಿ ಸ್ವರೂಪಾ ಮತ್ತು ಪುತ್ರ ಶ್ರೀನಿವಾಸ್ ಅವರನ್ನು ಬಂಧಿಸಿದ್ದಾರೆ. ದಲಿತರ ಮೇಲೆ ಕೊಲೆ ಯತ್ನ ಮತ್ತು ಹಿಂಸಾಚಾರದ ಆರೋಪಗಳನ್ನು ಹೊರಿಸಲಾಗಿದೆ.