ಸುಪ್ರೀಂ ಕೋರ್ಟ್‌ನ ಅಧಿಕೃತ ವೆಬ್‌ ಸೈಟ್ ಎಂದು ಹೇಳಿಕೊಳ್ಳುವ ನಕಲಿ ವೆಬ್‌ಸೈಟ್. ನಕಲಿ ವೆಬ್‌ ಸೈಟ್ ಗಳಿಗೆ ಮರುಳಾಗಬೇಡಿ ಎಂದು, ಸುಪ್ರೀಂ ಕೋರ್ಟ್ ರಿಜಿಸ್ಟ್ರಿ ಸಾರ್ವಜನಿಕ ಎಚ್ಚರಿಕೆಯನ್ನು ನೀಡಿದೆ. ಜನರ ವೈಯಕ್ತಿಕ ಮಾಹಿತಿಯನ್ನು ಕದಿಯಲು ಸುಪ್ರೀಂ ಕೋರ್ಟ್‌ನ ಹೆಸರನ್ನು ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ ಎಂದು ನೋಟಿಸ್ ನಲ್ಲಿ ಹೇಳಲಾಗಿದೆ.
http://cbins/scigv.com, https://cbins.scigv.com/offence ನಂತಹ ನಕಲಿ ಲಿಂಕ್‌ ಗಳನ್ನು ಕ್ಲಿಕ್ ಮಾಡಬೇಡಿ ಅಥವಾ ಹಂಚಿಕೊಳ್ಳಬೇಡಿ. ನೀವು ಸ್ವೀಕರಿಸುವ ಲಿಂಕ್‌ ಗಳ ದೃಢೀಕರಣವನ್ನು ಪರಿಶೀಲಿಸಿ. ವೈಯಕ್ತಿಕ ಮಾಹಿತಿ, ಹಣಕಾಸಿನ ವಿವರಗಳು ಅಥವಾ ಇತರ ಗೌಪ್ಯ ಮಾಹಿತಿಯನ್ನು ಸುಪ್ರೀಂ ಕೋರ್ಟ್ ಎಂದಿಗೂ ಕೇಳುವುದಿಲ್ಲ ಎಂಬುದನ್ನು ಗಮನಿಸಿ.
ಮೇಲಿನ URL ಗಳಲ್ಲಿ ಯಾವುದೇ ವೈಯಕ್ತಿಕ ಮತ್ತು ಗೌಪ್ಯ ಮಾಹಿತಿಯನ್ನು ಹಂಚಿಕೊಳ್ಳದಂತೆ ಅಥವಾ ಬಹಿರಂಗಪಡಿಸದಂತೆ ಕಟ್ಟುನಿಟ್ಟಾಗಿ ಸೂಚಿಸಲಾಗಿದೆ. ನೀವು ಮೇಲೆ ತಿಳಿಸಲಾದ ‘ಫಿಶಿಂಗ್’ ದಾಳಿಯ ಬಲಿಪಶುವಾಗಿದ್ದರೆ, ಎಲ್ಲಾ ಆನ್‌ ಲೈನ್ ಖಾತೆಯ ಪಾಸ್‌ ವರ್ಡ್‌ಗಳನ್ನು ಸಾಧ್ಯವಾದಷ್ಟು ಬೇಗ ಬದಲಾಯಿಸಬೇಕು.
ಅನಧಿಕೃತ ಪ್ರವೇಶವನ್ನು ಬ್ಯಾಂಕ್ ಮತ್ತು ಕ್ರೆಡಿಟ್ ಕಾರ್ಡ್ ಕಂಪನಿಗೆ ವರದಿ ಮಾಡಬೇಕು ಎಂದು ನೋಟಿಸ್ ಹೇಳುತ್ತದೆ. ಸಾರ್ವಜನಿಕ ಸೂಚನೆಯು www.sci.gov.in ಸುಪ್ರೀಂ ಕೋರ್ಟ್‌ನ ಅಧಿಕೃತ ಡೊಮೇನ್ ಎಂದು ಹೇಳುತ್ತದೆ.