ಮಗನ ಹೆಸರಿನಲ್ಲಿರುವ ಆಸ್ತಿ ಆತ ಮೃತಪಟ್ಟ ಬಳಿಕ ಯಾರಿಗೆ ಸೇರಬೇಕು? ಪತ್ನಿಗೆ ಮಾತ್ರವೇ ಆಸ್ತಿ ಸಿಗುತ್ತದೆಯೇ? ಅಥವಾ ತಂದೆ–ತಾಯಿಗೂ ಪಾಲು ಇರುತ್ತದೆಯೇ? ಇಂತಹ ಪ್ರಶ್ನೆಗಳು ಹಲವರಲ್ಲಿವೆ. ಹಿಂದೂ ಉತ್ತರಾಧಿಕಾರ ಕಾಯ್ದೆ, 1956ರ ಅಡಿಯಲ್ಲಿ ಈ ಕುರಿತು ನಿರ್ದಿಷ್ಟ ನಿಯಮಗಳಿವೆ.
ಒಬ್ಬ ಹಿಂದೂ ಪುರುಷನು ಉಯಿಲು ಬರೆಯದೆ ಮೃತಪಟ್ಟರೆ, ಆತನ ಆಸ್ತಿ ಹಿಂದೂ ಉತ್ತರಾಧಿಕಾರ ಕಾಯ್ದೆಯ ಪ್ರಕಾರ ವಾರಸುದಾರರಿಗೆ ಹಂಚಿಕೆಯಾಗುತ್ತದೆ. ಕಾಯ್ದೆಯ Schedule ಪ್ರಕಾರ ಮಗ, ಮಗಳು, ಪತ್ನಿ ಮತ್ತು ತಾಯಿ ಪ್ರಮುಖ Class I ವಾರಸುದಾರರಾಗಿದ್ದಾರೆ. ತಂದೆ Class II ವಾರಸುದಾರರಾಗಿದ್ದಾರೆ.
ಮಗನು ಉಯಿಲು ಬರೆಯದೆ ಮೃತಪಟ್ಟಿದ್ದರೆ ತಾಯಿಗೂ ಆಸ್ತಿಯಲ್ಲಿ ಪಾಲು ಸಿಗಬಹುದು.ಉದಾಹರಣೆಗೆ, ಮೃತ ವ್ಯಕ್ತಿಗೆ ಪತ್ನಿ, ತಾಯಿ ಮತ್ತು ಇಬ್ಬರು ಮಕ್ಕಳು ಇದ್ದರೆ, ಸಾಮಾನ್ಯವಾಗಿ ಈ ನಾಲ್ವರೂ Class I ವಾರಸುದಾರರಾಗಿದ್ದು, ಪ್ರತಿ ವ್ಯಕ್ತಿಗೂ ಒಂದು ಪಾಲು ಸಿಗುತ್ತದೆ. ಅಂದರೆ ಪತ್ನಿಗೆ ಮಾತ್ರ ಸಂಪೂರ್ಣ ಆಸ್ತಿ ಹೋಗುವುದಿಲ್ಲ.
ಇಲ್ಲಿ ಪ್ರಮುಖ ಅಂಶವೆಂದರೆ ತಂದೆ Class I ವಾರಸುದಾರರ ಪಟ್ಟಿಯಲ್ಲಿ ಇಲ್ಲ; ಅವರು Class II ವಾರಸುದಾರರು. ಆದ್ದರಿಂದ Class I ವಾರಸುದಾರರು ಇದ್ದಾಗ ತಂದೆಗೆ Class II ಅಡಿಯಲ್ಲಿ ಪಾಲು ಬರುವುದಿಲ್ಲ.Class Iನಲ್ಲಿ ಯಾವುದೇ ಅರ್ಹ ವಾರಸುದಾರರು ಇಲ್ಲದ ಸಂದರ್ಭದಲ್ಲಿ ಮಾತ್ರ Class II ವಾರಸುದಾರರ ಹಕ್ಕು ಪ್ರಶ್ನೆ ಬರುತ್ತದೆ. Class II ಪಟ್ಟಿಯಲ್ಲಿ ತಂದೆ ಮೊದಲ ಹಂತದಲ್ಲಿದ್ದಾರೆ.
ಮಗ ವಿವಾಹಿತನಾಗಿದ್ದು ಉಯಿಲು ಇಲ್ಲದೆ ಮೃತಪಟ್ಟರೆ, ಆತನ ಪತ್ನಿ Class I ವಾರಸುದಾರರಾಗುತ್ತಾರೆ. ಮಕ್ಕಳಿದ್ದರೆ ಅವರಿಗೂ ಪಾಲು ಇರುತ್ತದೆ. ತಾಯಿ ಜೀವಂತವಾಗಿದ್ದರೆ ಆಕೆಯೂ Class I ವಾರಸುದಾರಳಾಗಿರುತ್ತಾರೆ.ಹೀಗಾಗಿ, ಪತ್ನಿ, ಮಕ್ಕಳು ಮತ್ತು ತಾಯಿ ಇದ್ದ ಸಂದರ್ಭದಲ್ಲಿ ಎಲ್ಲರಿಗೂ ಕಾನೂನುಬದ್ಧ ಪಾಲು ಇರುವ ಸಾಧ್ಯತೆ ಇದೆ. ಆಸ್ತಿ ಯಾರ ಹೆಸರಿನಲ್ಲಿದೆ, ಅದು ಸ್ವಯಾರ್ಜಿತವೇ ಅಥವಾ ಇತರ ರೀತಿಯ ಆಸ್ತಿಯೇ, ಹಾಗೂ ಉಯಿಲು ಇದೆಯೇ ಎಂಬ ಅಂಶಗಳೂ ಮುಖ್ಯವಾಗುತ್ತವೆ.
ಮೃತ ವ್ಯಕ್ತಿ ಅವಿವಾಹಿತನಾಗಿದ್ದು, ಉಯಿಲು ಕೂಡ ಇಲ್ಲದ ಸಂದರ್ಭದಲ್ಲಿ Class I ವಾರಸುದಾರರ ಪಟ್ಟಿಯಲ್ಲಿ ತಾಯಿ ಇದ್ದರೆ, ಆಕೆಗೆ Class I ಅಡಿಯಲ್ಲಿ ಹಕ್ಕು ಬರುತ್ತದೆ. ತಾಯಿ ಇಲ್ಲದಿದ್ದರೆ ಮುಂದಿನ ಅನ್ವಯಿಸುವ ವಾರಸುದಾರರ ಆಧಾರದ ಮೇಲೆ ಉತ್ತರಾಧಿಕಾರ ನಿರ್ಧಾರವಾಗುತ್ತದೆ.
Class I ಮತ್ತು Class II ವಾರಸುದಾರರು ಯಾರು? Class I: ಮಗ, ಮಗಳು, ಪತ್ನಿ, ತಾಯಿ ಸೇರಿದಂತೆ ಕಾಯ್ದೆಯ Scheduleನಲ್ಲಿ ಉಲ್ಲೇಖಿಸಿರುವ ಇತರ ವಾರಸುದಾರರು.
Class II: ತಂದೆ ಮೊದಲ ಹಂತದಲ್ಲಿದ್ದು, ನಂತರ ಸಹೋದರ-ಸಹೋದರಿ ಸೇರಿದಂತೆ ಕಾಯ್ದೆಯಲ್ಲಿ ಕ್ರಮಬದ್ಧವಾಗಿ ನಮೂದಿಸಿರುವ ಇತರ ಸಂಬಂಧಿಕರು.
ಮುಖ್ಯವಾಗಿ, Class I ವಾರಸುದಾರರು ಇದ್ದಾಗ Class II ವಾರಸುದಾರರಿಗೆ ಅದೇ ಹಂತದಲ್ಲಿ ಹಕ್ಕು ಬರುವುದಿಲ್ಲ. ಆದ್ದರಿಂದ “ಮಗನ ಆಸ್ತಿ ಪತ್ನಿಗೆ ಮಾತ್ರ ಹೋಗುತ್ತದೆ” ಅಥವಾ “ತಂದೆ-ತಾಯಿಗೆ ಯಾವ ಹಕ್ಕೂ ಇಲ್ಲ” ಎನ್ನುವುದು ಎಲ್ಲ ಸಂದರ್ಭಗಳಿಗೂ ಅನ್ವಯಿಸುವುದಿಲ್ಲ. ಉಯಿಲು ಇದೆಯೇ, ಮೃತ ವ್ಯಕ್ತಿಯ ಕುಟುಂಬದಲ್ಲಿ ಯಾರು ಜೀವಂತವಾಗಿದ್ದಾರೆ ಮತ್ತು ಆಸ್ತಿ ಯಾವ ರೀತಿಯದ್ದು ಎಂಬುದರ ಆಧಾರದ ಮೇಲೆ ಹಕ್ಕು ಬದಲಾಗಬಹುದು.
ಈ ಮಾಹಿತಿ ಸಾಮಾನ್ಯ ಕಾನೂನು ಮಾರ್ಗದರ್ಶನಕ್ಕಾಗಿ ಮಾತ್ರ. ವೈಯಕ್ತಿಕ ಆಸ್ತಿ ವಿವಾದ ಅಥವಾ ಉತ್ತರಾಧಿಕಾರ ಪ್ರಕರಣದಲ್ಲಿ ದಾಖಲೆಗಳನ್ನು ಪರಿಶೀಲಿಸಿ ಅರ್ಹ ಕಾನೂನು ತಜ್ಞರಿಂದ ಸಲಹೆ ಪಡೆಯುವುದು ಸೂಕ್ತ.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/CtZPUt7bwkaJkX2T6hAwZI