ಪಂಜಾಬ್ ಗಡಿಯಲ್ಲಿ ಪಾಕ್ ಡ್ರೋನ್ ಮತ್ತೆ ಪ್ರತ್ಯಕ್ಷವಾಗಿದೆ ಅಮೃತಸರ ಸೆಕ್ಟರ್‌ ನಲ್ಲಿ ಡ್ರೋನ್ ಪತ್ತೆಯಾಗಿದೆ. ಡ್ರೋನ್ ಅನ್ನು ಬಿಎಸ್‌ ಎಫ್ ಹೊಡೆದುರುಳಿಸಿದೆ. ಡ್ರೋನ್ ನಿಂದ ಡ್ರಗ್ಸ್ ಪತ್ತೆಯಾಗಿದೆ.
ಈ ಪ್ರದೇಶದಲ್ಲಿ ಸೇನೆ ಶೋಧ ಕಾರ್ಯ ಮುಂದುವರೆಸಿದೆ. ಎರಡು ದಿನಗಳಲ್ಲಿ ಹೊಡೆದುರುಳಿಸಿದ ನಾಲ್ಕನೇ ಡ್ರೋನ್ ಇದಾಗಿದೆ. ಶುಕ್ರವಾರ ರಾತ್ರಿ ಗಡಿ ಭದ್ರತಾ ಪಡೆ ಧಾರಿವಾಲ್ ಮತ್ತು ರತ್ನಾ ಖುರ್ದ್ ಗ್ರಾಮಗಳಲ್ಲಿ ಗಸ್ತು ತಿರುಗುತ್ತಿದ್ದಾಗ ಈ ಘಟನೆ ಸಂಭವಿಸಿದೆ. ಪಾಕಿಸ್ತಾನದ ಕಡೆಯಿಂದ ಡ್ರೋನ್ ಗಳ ಸದ್ದು ಕೇಳಿದ ಯೋಧರು ಗುಂಡಿನ ದಾಳಿ ನಡೆಸಿದ್ದಾರೆ.
ರಾತ್ರಿ 9 ಗಂಟೆ ಸುಮಾರಿಗೆ ಮೊದಲ ಡ್ರೋನ್ ಹಾರಿಸಲಾಯಿತು. ಅಮೃತಸರ ಜಿಲ್ಲೆಯ ಉದರ್ ಧರಿವಾಲ್ ಗ್ರಾಮದಿಂದ ಡ್ರೋನ್ ವಶಪಡಿಸಿಕೊಳ್ಳಲಾಗಿದೆ ಎಂದು ಬಿಎಸ್‌ಎಫ್ ವಕ್ತಾರರು ತಿಳಿಸಿದ್ದಾರೆ.
ಎರಡನೇ ಡ್ರೋನ್ ಅನ್ನು ಅದೇ ಜಿಲ್ಲೆಯ ರತನ್ ಖುರ್ದ್ ಗ್ರಾಮದಿಂದ ರಾತ್ರಿ 9:30 ರ ಸುಮಾರಿಗೆ ಸೇನೆ ಹೊಡೆದುರುಳಿಸಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಡ್ರೋನ್‌ಗೆ ಲಗತ್ತಿಸಲಾದ 2.6 ಕೆ.ಜಿ. ಹೆರಾಯಿನ್ ಹೊಂದಿರುವ ಎರಡು ಪ್ಯಾಕೆಟ್‌ ಗಳನ್ನು ಸೇನೆಯು ವಶಪಡಿಸಿಕೊಂಡಿದೆ.
ನಮ್ಮತುಮಕೂರು.ಕಾಂನ ಕ್ಷಣ ಕ್ಷಣದ ಸುದ್ದಿಗಳನ್ನು ಪಡೆದುಕೊಳ್ಳಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 9686399493 ನಂಬರ್ ಸೇರಿಸಿಕೊಳ್ಳಿ.
ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/L4EDpegaxhmLTkOnd50sAy