ಯಾವುದೇ ನೋವಿಲ್ಲದೆ ಕ್ಷಣಮಾತ್ರದಲ್ಲಿ ಪ್ರಾಣಪಕ್ಷಿ ಹಾರಿಹೋಗುವಂತೆ ಮಾಡುವ.., ಒಂದೇ ನಿಮಿಷದೊಳಗೆ ಮನುಷ್ಯನಿಗೆ ಮುಕ್ತಿ ನೀಡುವ ಯಂತ್ರ ಬಳಸಲು ಸ್ವಿಟ್ಜರ್ಲೆಂಡ್ ಸರ್ಕಾರ ಮುಂದಾಗಿದೆ.
ವೃದ್ಧಾಪ್ಯ, ಅನಾರೋಗ್ಯ ಅಥವಾ ಇನ್ನಿತರೆ ಕಾರಣಗಳಿಂದಾಗಿ ಇಹಲೋಕ ತ್ಯಜಿಸಬೇಕು ಎಂದು ಇಚ್ಛಿಸಿದವರಿಗಾಗಿ ಈ ಸೂಸೈಡ್ ಪಾಡ್ ಬಳಕೆ ಮಾಡಲು ಸ್ವಿಟ್ಜರ್ಲೆಂಡ್ ಸರ್ಕಾರ ಚಿಂತನೆ ನಡೆಸಿದೆ.
ಮೊದಲ ಬಾರಿಗೆ ಹೊಸ ಪೋರ್ಟಬಲ್ ಸೂಸೈಡ್ ಪಾಡ್ (Portable Suicide Pod) ಅನ್ನು ಬಳಸಬಹುದಾದ ಸಾಧ್ಯತೆಗಳ ಬಗ್ಗೆ ಸ್ವಿಟ್ಜರ್ಲೆಂಡ್ ಸರ್ಕಾರ ಚಿಂತಿಸುತ್ತಿದ್ದು, ಕೆಲವೇ ತಿಂಗಳೊಳಗೆ ಇದು ಬಳಕೆಗೆ ಬರುವ ಸಾಧ್ಯತೆ ಇದೆ ಎಂದಿದೆ. ವೈದ್ಯಕೀಯ ನೆರವು ಇಲ್ಲದೆಯೇ, ಯಾವುದೇ ಮೇಲ್ವಿಚಾರಣೆಯಿಲ್ಲದೆ ವ್ಯಕ್ತಿಯು ನಿಷ್ಪ್ರಾ ಣನಾಗಲು ಈ ಪಾಡ್ ಸಹಕಾರಿಯಾಗಲಿದೆ.
ಸಾಯಲು ಮುಂದಾದವರು 20 ಡಾಲರ್ ನೀಡಿ ಈ ಸಾರ್ಕೋ ಪಾಡ್ ಬುಕ್ ಮಾಡಿಕೊಳ್ಳಬಹುದು. ಅಂದಹಾಗೆ ಯಾರು ಬೇಕಾದರೂ ಈ ಸಾವಿನ ಪೆಟ್ಟಿಗೆ ಪ್ರವೇಶಿಸುವಂತಿಲ್ಲ. ಆತ್ಮಹತ್ಯೆಗೆ ನಿಖರ ಕಾರಣ ಹಾಗೂ ಮಾನಸಿಕ ಸಂತುಲತೆ ಹೊಂದಿರಬೇಕು. ಓರ್ವ ವ್ಯಕ್ತಿ ಸೈಕಿಯಾಟ್ರಿಕ್ ಪರೀಕ್ಷೆಗಳನ್ನು ಎದುರಿಸಿದ ನಂತರ ಈ ಪಾಡ್ ಬಳಕೆಗೆ ಅನುಮತಿ ಸಿಗಲಿದೆ.
ಎಲ್ಲಾ ಮಾನದಂಡಗಳಿಗೆ ಅರ್ಹವಾದ ವ್ಯಕ್ತಿಯು ನಿಗದಿತ ಶುಲ್ಕ ಪಾವತಿಸಿ ಸಾರ್ಕೋ ಪಾಡ್ ಬಳಸಬಹುದು. ಪಾಡ್ ಪ್ರವೇಶಿಸಿದ ವ್ಯಕ್ತಿ ಬಟನ್ ಒತ್ತುತ್ತಿದ್ದಂತೆ ಕೇವಲ 5 ನಿಮಿಷಗಳಲ್ಲಿ ದೇಹತ್ಯಾಗ ಮಾಡಬಹುದು.
2019 ರಲ್ಲಿ ಮೊದಲು ಅನಾವರಣಗೊಂಡ ಈ ಪಾಡ್ ಬಾಹ್ಯಾಕಾಶ ಕಾರ್ಯಾಚರಣೆಗೆ ಬಳಸುವ, ಯಾವುದೋ ಕ್ಯಾಪ್ಸೂಲ್ನಂತೆ ಕಾಣುವ ಈ ಸಾರ್ಕೊ ಪಾಡ್, ಕ್ಯಾಪ್ಸೂಲ್ ಒಳಗೆ ಆಮ್ಲಜಕ ಪ್ರಮಾಣ ಕಡಿಮೆ ಮಾಡಿ ಸಾರಜನಕದ ಪ್ರಮಾಣ ಹೆಚ್ಚಿಸುತ್ತದೆ. ಇದು ಹೈಪೋಕ್ಸಿಯಾಗೆ ಕಾರಣವಾಗುತ್ತೆ ಅಂದ್ರೆ ಆಮ್ಲಜನಕ ಕೊರತೆ ಉಂಟಾಗಿ ವ್ಯಕ್ತಿಯ ಸಾವಿಗೆ ದಾರಿ ಮಾಡಿಕೊಡುತ್ತದೆ.
ಸೂಚನೆ: ಆತ್ಮಹತ್ಯೆ ಮಹಾಪಾಪ. ಈ ಬರಹ ಕೇವಲ ಒಂದು ಸುದ್ದಿಯಾಗಿದ್ದು, ಯಾರನ್ನೂ ಯಾವುದೇ ರೀತಿಯ ಅತಿರೇಕದೆಡೆಗೆ ಪ್ರಚೋದಿಸುವ ಉದ್ದೇಶ ಹೊಂದಿಲ್ಲ.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/G7IPvItJj7JHrybOIW3296
ಯೂಟ್ಯೂಬ್ ಚಾನೆಲ್ Subscribe ಮಾಡಿ: https://www.youtube.com/channel/UCtrQuDOToxHu8dzMaHjoYXA