ಮಣಿಪುರದಲ್ಲಿ ಭಾರಿ ಬ್ಯಾಂಕ್ ದರೋಡೆ. 10 ಅಪರಿಚಿತ ಶಸ್ತ್ರಧಾರಿಗಳು 18.85 ಕೋಟಿ ರೂ. ಗುರುವಾರ ಸಂಜೆ ಉಖ್ರುಲ್ ಜಿಲ್ಲೆಯ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ನಲ್ಲಿ (ಪಿಎನ್ ಬಿ) ದರೋಡೆ ನಡೆದಿದೆ. ಮೇ 3 ರಂದು ಕೋಮುಗಲಭೆಗಳು ಭುಗಿಲೆದ್ದ ನಂತರ ಮಣಿಪುರದಲ್ಲಿ ನಡೆದ ಮೂರನೇ ಬ್ಯಾಂಕ್ ದರೋಡೆ ಇದಾಗಿದೆ.
ಬ್ಯಾಂಕ್ ಕೆಲಸ ಮುಗಿದ ನಂತರ ದರೋಡೆ ನಡೆದಿದೆ. ದಿನದ ವಹಿವಾಟು ಮತ್ತು ಹೂಡಿಕೆ ಚಟುವಟಿಕೆಗಳನ್ನು ಮುಗಿಸಿ ಮುಖ್ಯ ಗೇಟಿನ ಶಟರ್ ಮುಚ್ಚಿ ಬ್ಯಾಂಕ್ ಮ್ಯಾನೇಜರ್ ಹಾಗೂ ಸಿಬ್ಬಂದಿ ಒಳಗೆ ಕೆಲಸ ಮಾಡುತ್ತಿದ್ದರು. ಅಷ್ಟರಲ್ಲಿ ಶಸ್ತ್ರಸಜ್ಜಿತ ಹತ್ತು ಮಂದಿ ಏಕಾಏಕಿ ಒಳಗೆ ನುಗ್ಗಿ ಸ್ಟ್ರಾಂಗ್ ರೂಂ ಬಳಿ ಕರ್ತವ್ಯ ನಿರ್ವಹಿಸುತ್ತಿದ್ದ ಮ್ಯಾನೇಜರ್ ಹಾಗೂ ಭದ್ರತಾ ಸಿಬ್ಬಂದಿಯನ್ನು ಬಗ್ಗು ಬಡಿದಿದ್ದಾರೆ.
ಬಳಿಕ ಬ್ಯಾಂಕಿನಲ್ಲಿದ್ದ 18.85 ಕೋಟಿ ರೂ.ಗಳನ್ನು ಈ ತಂಡ ದೋಚಿತ್ತು. ಬ್ಯಾಂಕಿನ ಒಳಗೆ ಅಳವಡಿಸಲಾಗಿರುವ ಸಿಸಿಟಿವಿ ಕ್ಯಾಮೆರಾಗಳು ಎಕೆ ರೈಫಲ್ಗಳೊಂದಿಗೆ ಶಸ್ತ್ರಸಜ್ಜಿತವಾದ ಮತ್ತು ಆಲಿವ್ ಹಸಿರು, ಖಾಕಿ ಸಮವಸ್ತ್ರ ಮತ್ತು ಟ್ರ್ಯಾಕ್ಸೂಟ್ಗಳನ್ನು ಧರಿಸಿ ಬಂದಿರುವುದು ಕಂಡುಬಂದಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಇಂದು ಬ್ಯಾಂಕಿನ ಎಲ್ಲಾ ನೌಕರರು ಮತ್ತು ಭದ್ರತಾ ಸಿಬ್ಬಂದಿಯನ್ನು ಪೊಲೀಸರು ವಿಚಾರಣೆ ನಡೆಸಿದರು.