ಆಹಾರ ವಿತರಣಾ ವೇದಿಕೆ ಝೊಮಾಟೊ ಮೂಲಕ ಸ್ಥಳೀಯ ರೆಸ್ಟೋರೆಂಟ್ ನಿಂದ ಆರ್ಡರ್ ಮಾಡಿದ ಚಿಕನ್ ಬಿರಿಯಾನಿ ಪ್ಯಾಕೆಟ್ ನಲ್ಲಿ ಸತ್ತ ಹಲ್ಲಿಯನ್ನು ಕಂಡು ಹೈದರಾಬಾದ್ ನ ಕುಟುಂಬವೊಂದು ಭಯಭೀತಗೊಂಡಿದೆ.
ಹೈದರಾಬಾದ್ ನ ಆರ್ ಟಿಸಿ ಕ್ರಾಸ್ ರೋಡ್ ಬಳಿಯ ಹೋಟೆಲ್ ನಲ್ಲಿ ಆಘಾತಕಾರಿ ಘಟನೆ ನಡೆದಿದ್ದು, ಅಂಬರ್ ಪೇಟೆಯ ಡಿಡಿ ಕಾಲೋನಿಯ ವಿಶ್ವ ಆದಿತ್ಯ ಅವರು ಚಿಕನ್ ಬಿರಿಯಾನಿಗಾಗಿ ಆನ್ ಲೈನ್ ನಲ್ಲಿ ಆರ್ಡರ್ ಮಾಡಿದ್ದರು.
ಝೊಮಾಟೊ ಡೆಲಿವರಿ ಮಾಡುವ ವ್ಯಕ್ತಿ ಕೇವಲ ನಿರೀಕ್ಷಿತ ಚಿಕನ್ ಬಿರಿಯಾನಿಯನ್ನು ಮಾತ್ರವಲ್ಲದೆ ಅನಪೇಕ್ಷಿತ ಅತಿಥಿಯನ್ನೂ ತಂದಿದ್ದಾರೆ ಎಂದು ಕುಟುಂಬ ಹೇಳಿದೆ – ಸತ್ತ ಹಲ್ಲಿ. ಈ ಘಟನೆಯು ಕುಟುಂಬದ ನಿರಾಶೆಯನ್ನು ವ್ಯಕ್ತಪಡಿಸುವ ಶೀರ್ಷಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.