- ರಾಘವೇಂದ್ರ ಅಡಿಗ ಎಚ್ಚೆನ್.
ಹೆಲ್ತ್ ಕೇರ್ ಗ್ಲೋಬಲ್ ಎಂಟರ್ ಪ್ರೈಸಸ್ (HCG), ಬೆಂಗಳೂರು, ಕರ್ನಾಟಕದ ಮೊದಲ ಎಲೆಕ್ಟಾ ಯುನಿಟಿ ಎಂಆರ್–ಲೈನಾಕ್ ಅನ್ನು ಬಳಸಿಕೊಂಡು ಕ್ಯಾನ್ಸರ್ ರೋಗಿಗಳ ಚಿಕಿತ್ಸೆಯನ್ನು ಪ್ರಾರಂಭಿಸಿದೆ. ಈ ಮಹತ್ವದ ಮೈಲಿಗಲ್ಲಿನೊಂದಿಗೆ, ಎಚ್ಸಿಜಿಯು ಕರ್ನಾಟಕ ಮತ್ತು ನೆರೆಹೊರೆಯ ರಾಜ್ಯಗಳ ರೋಗಿಗಳಿಗೆ ಎಂಆರ್–ಮಾರ್ಗದರ್ಶಿತ ಹೊಂದಾಣಿಕೆಯ ವಿಕಿರಣ ಚಿಕಿತ್ಸೆಗೆ ಪ್ರವೇಶವನ್ನು ಒದಗಿಸಿದೆ. ಇದರ ಮೂಲಕ ವಿಕಿರಣ ಚಿಕಿತ್ಸಾ ಕ್ಷೇತ್ರದಲ್ಲಿನ ಅತ್ಯಂತ ಮುಂದುವರಿದ ಅತ್ಯಾಧುನಿಕ ಚಿಕಿತ್ಸಾ ವಿಧಾನಗಳಲ್ಲಿ ಒಂದನ್ನು ಅಗತ್ಯವಿರುವ ರೋಗಿಗಳಿಗೆ ಒದಗಿಸುವ ಮೂಲಕ, ಅವರಿಗೆ ಸುಧಾರಿತ ಚಿಕಿತ್ಸಾ ಸೌಲಭ್ಯವನ್ನು ನೀಡಲಾಗುತ್ತದೆ.
ಯುನಿಟಿಯು ಉನ್ನತ-ಕ್ಷೇತ್ರದ 1.5 ಟೆಸ್ಲಾ ಎಂಆರ್ಐ ಸ್ಕ್ಯಾನರ್ ಅನ್ನು ರೇಖೀಯ ವೇಗವರ್ಧಕದೊಂದಿಗೆ ಸಂಯೋಜಿಸುತ್ತದೆ. ಇದರಿಂದ ಚಿಕಿತ್ಸೆಯ ಸಮಯದಲ್ಲಿ ವೈದ್ಯರು ಗಡ್ಡೆ ಮತ್ತು ಅದರ ಸುತ್ತಮುತ್ತಲಿನ ಅಂಗರಚನಾ ರಚನೆಯನ್ನು ನೈಜ ಸಮಯದಲ್ಲಿ ದೃಶ್ಯೀಕರಿಸಲು ಸಾಧ್ಯವಾಗುತ್ತದೆ. ಇದು ಚಿಕಿತ್ಸಾ ತಂಡಕ್ಕೆ ಒಂದು ಚಿಕಿತ್ಸಾ ಅವಧಿಯಿಂದ ಮುಂದಿನ ಚಿಕಿತ್ಸಾ ಅವಧಿಯವರೆಗೆ ಉಂಟಾಗುವ ಅಂಗರಚನಾ ಬದಲಾವಣೆಗಳಿಗೆ ಅನುಗುಣವಾಗಿ ಚಿಕಿತ್ಸಾ ಯೋಜನೆಯನ್ನು ಆನ್ಲೈನ್ನಲ್ಲಿ ಹೊಂದಾಣಿಕೆ ಮಾಡಲು ಅವಕಾಶ ನೀಡುತ್ತದೆ. ಇದರಿಂದ ಸುತ್ತಮುತ್ತಲಿನ ಆರೋಗ್ಯಕರ ಅಂಗಾಂಶಗಳನ್ನು ರಕ್ಷಿಸುವುದರ ಜೊತೆಗೆ ಅತ್ಯಂತ ನಿಖರವಾದ ವಿಕಿರಣವನ್ನು ನೀಡಲು ಸಹಾಯವಾಗುತ್ತದೆ.
ಭಾರತದಲ್ಲಿ ಕ್ಯಾನ್ಸರ್ ಅತ್ಯಂತ ವೇಗವಾಗಿ ಹೆಚ್ಚುತ್ತಿರುವ ಆರೋಗ್ಯ ಸವಾಲುಗಳಲ್ಲಿ ಒಂದಾಗಿದೆ ಮತ್ತು ಕರ್ನಾಟಕದಲ್ಲಿಯೂ ಪ್ರತಿ ವರ್ಷ ಹೊಸ ಪ್ರಕರಣಗಳ ಸಂಖ್ಯೆಯಲ್ಲಿ ನಿರಂತರ ಏರಿಕೆ ಕಂಡುಬರುತ್ತಿದೆ. ಜಾಗತಿಕ ಕ್ಯಾನ್ಸರ್ ವೀಕ್ಷಣಾಲಯದ (GLOBOCAN) ಅಂದಾಜಿನ ಪ್ರಕಾರ, ಭಾರತದಲ್ಲಿ ಹೊಸ ಕ್ಯಾನ್ಸರ್ ಪ್ರಕರಣಗಳ ಸಂಖ್ಯೆ 2040ರ ವೇಳೆಗೆ 2.08 ಮಿಲಿಯನ್ಗೆ ತಲುಪಲಿದೆ. ಇದು 2020ರ ಮಟ್ಟಕ್ಕೆ ಹೋಲಿಸಿದರೆ ಶೇಕಡಾ 57.5ರಷ್ಟು ಹೆಚ್ಚಳವಾಗಿದೆ. ಈ ಅಂಕಿಅಂಶಗಳು ಹೆಚ್ಚು ನಿಖರವಾದ, ಹೆಚ್ಚು ವೈಯಕ್ತಿಕಗೊಳಿಸಿದ ಮತ್ತು ಚಿಕಿತ್ಸೆಯ ಪ್ರಗತಿಯೊಂದಿಗೆ ಪ್ರತಿಯೊಬ್ಬ ರೋಗಿಯ ಅಗತ್ಯಗಳಿಗೆ ಅನುಗುಣವಾಗಿ ಹೊಂದಿಕೊಳ್ಳುವ ಚಿಕಿತ್ಸಾ ವಿಧಾನಗಳ ಅಗತ್ಯವನ್ನು ಒತ್ತಿ ಹೇಳುತ್ತವೆ.
“ನಿಖರ ವೈದ್ಯಕೀಯದ ಯುಗದಲ್ಲಿ, ಯುನಿಟಿ ಎಂಆರ್- ಲೈನಾಕ್ ಅಳವಡಿಕೆಯೊಂದಿಗೆ ಹೆಚ್ಸಿಜಿ ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಸಾಧಿಸಿರುವುದಕ್ಕೆ ಹೆಮ್ಮೆಪಡುತ್ತದೆ. ಈ ತಂತ್ರಜ್ಞಾನವು ಚಿಕಿತ್ಸೆಯ ನಿಖರತೆಯನ್ನು ಪರಿಪೂರ್ಣತೆಗೆ ಸಮೀಪಿಸುವ ಮಟ್ಟಕ್ಕೆ ಕೊಂಡೊಯ್ಯುತ್ತದೆ. ಈ ಅಡಾಪ್ಟಿವ್ ಚಿಕಿತ್ಸೆಯಿಂದಾಗಿ, ಚಿಕಿತ್ಸೆ ಪಡೆಯಲು ಅರ್ಹರಾಗಿರುವ ರೋಗಿಗಳು ಗಡ್ಡೆಯ ಮೇಲೆಯೇ ನೇರವಾಗಿ ಕೇಂದ್ರೀಕರಿಸಲಾದ ವಿಕಿರಣ ಚಿಕಿತ್ಸೆಯ ಪ್ರಯೋಜನವನ್ನು ಪಡೆಯುತ್ತಾರೆ. ಇದರಿಂದ ಸುತ್ತಮುತ್ತಲಿನ ಆರೋಗ್ಯಕರ ಅಂಗಾಂಶಗಳಿಗೆ ಅತ್ಯಲ್ಪ ಅಥವಾ ಯಾವುದೇ ಹಾನಿಯಾಗುವುದಿಲ್ಲ. ಸರಿಯಾದ ಚಿಕಿತ್ಸೆಯನ್ನು ನೀಡುವ ಮೂಲಕ ಅಡ್ಡಪರಿಣಾಮಗಳನ್ನು ಅತ್ಯಲ್ಪ ಅಥವಾ ಇಲ್ಲದಂತೆಯೇ ಇಟ್ಟು ಉತ್ತಮ ಚಿಕಿತ್ಸಾ ಫಲಿತಾಂಶಗಳನ್ನು ಸಾಧಿಸಲು ಇದು ನಮಗೆ ಅವಕಾಶ ಒದಗಿಸುತ್ತದೆ. ಕರ್ನಾಟಕ ಹಾಗೂ ಭಾರತದಾದ್ಯಂತ ರೋಗಿಗಳಿಗೆ ವಿಶ್ವದ ಅತ್ಯಾಧುನಿಕ ಕ್ಯಾನ್ಸರ್ ಚಿಕಿತ್ಸೆಯನ್ನು ಅವರ ಮನೆ ಬಾಗಿಲಿನಲ್ಲೇ ತಲುಪಿಸುವುದು ಹೆಚ್ಸಿಜಿಯ ಧ್ಯೇಯವಾಗಿದ್ದು, ಈ ಸಾಧನೆಯು ಅದನ್ನೇ ಮತ್ತೊಮ್ಮೆ ಸಾಬೀತುಪಡಿಸುತ್ತದೆ.” ಎಂದು ಸಂಸ್ಥಾಪಕರು ಮತ್ತು ಅಧ್ಯಕ್ಷರು, ಹೆಲ್ತ್ಕೇರ್ ಗ್ಲೋಬಲ್ ಎಂಟರ್ಪ್ರೈಸಸ್ ಲಿಮಿಟೆಡ್, ಡಾ. ಬಿ.ಎಸ್.ಅಜಯಕುಮಾರ್ ಅವರು ಹೇಳಿದರು
“ಎಲೆಕ್ಟಾ ಯುನಿಟಿ ಎಂಆರ್-ಲೈನಾಕ್ನಲ್ಲಿ ರೋಗಿಗಳ ಚಿಕಿತ್ಸೆಯನ್ನು ಪ್ರಾರಂಭಿಸುವುದು, ಎಚ್ಸಿಜಿಯಲ್ಲಿ ನಾವು ವಿಕಿರಣ ಚಿಕಿತ್ಸೆಯನ್ನು ನೀಡುವ ವಿಧಾನದಲ್ಲಿ ಮಹತ್ವದ ಬದಲಾವಣೆಯನ್ನು ತರುತ್ತದೆ. ಚಿಕಿತ್ಸೆಯ ಸಮಯದಲ್ಲಿಯೇ ಗಡ್ಡೆಯನ್ನು ವೀಕ್ಷಿಸಲು ಮತ್ತು ನೈಜ ಸಮಯದಲ್ಲಿ ವಿಕಿರಣ ಪ್ರಮಾಣವನ್ನು ಹೊಂದಾಣಿಕೆ ಮಾಡಲು ಸಾಧ್ಯವಾಗುವುದರಿಂದ, ಪ್ರತಿಯೊಬ್ಬ ರೋಗಿಗೆ ಅತ್ಯಂತ ನಿಖರವಾದ ಮತ್ತು ವೈಯಕ್ತಿಕಗೊಳಿಸಿದ ಚಿಕಿತ್ಸೆಯನ್ನು ನೀಡಲು ಸಾಧ್ಯವಾಗುತ್ತದೆ. ಜೊತೆಗೆ, ಸುತ್ತಮುತ್ತಲಿನ ಆರೋಗ್ಯಕರ ಅಂಗಾಂಶಗಳನ್ನು ರಕ್ಷಿಸಲು ಸಹ ಇದು ಸಹಾಯ ಮಾಡುತ್ತದೆ. ನಮ್ಮ ಬಹುಶಿಸ್ತೀಯ ಚಿಕಿತ್ಸಾ ವಿಧಾನಗಳೊಂದಿಗೆ, ಇದು ಚಿಕಿತ್ಸೆಯ ಫಲಿತಾಂಶಗಳನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಮತ್ತು ಕರ್ನಾಟಕ ಹಾಗೂ ನೆರೆಹೊರೆಯ ಪ್ರದೇಶಗಳಲ್ಲಿನ ರೋಗಿಗಳಿಗೆ ಉತ್ತಮ ಒಟ್ಟಾರೆ ಚಿಕಿತ್ಸಾ ಅನುಭವವನ್ನು ಒದಗಿಸುತ್ತದೆ.” ಎಂದು ಹೆಲ್ತ್ಕೇರ್ ಗ್ಲೋಬಲ್ ಎಂಟರ್ಪ್ರೈಸಸ್ ಲಿಮಿಟೆಡ್ನ ಕಾರ್ಯನಿರ್ವಾಹಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಮನೀಶ್ ಮಟ್ಟೂ ಹೇಳಿದರು:
ಈ ಮಹತ್ವದ ಮೈಲಿಗಲ್ಲು, ಭಾರತದಲ್ಲಿ ಅತ್ಯಾಧುನಿಕ ನಿಖರ ವಿಕಿರಣ ಚಿಕಿತ್ಸೆಯ ಲಭ್ಯತೆಯನ್ನು ವಿಸ್ತರಿಸಲು ಮತ್ತು ಕ್ಯಾನ್ಸರ್ ಆರೈಕೆಯನ್ನು ಬಲಪಡಿಸಲು ಎಚ್ಸಿಜಿ ಮತ್ತು ಎಲೆಕ್ಟಾ ಸಂಸ್ಥೆಗಳ ಜಂಟಿ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.
“ಎಚ್ಸಿಜಿ ಆಸ್ಪತ್ರೆಗಳೊಂದಿಗೆ ಸಹಭಾಗಿತ್ವ ಹೊಂದಿರುವುದು ಹಾಗೂ ಅವರನ್ನು ನಮ್ಮ ಜಾಗತಿಕ ಯೂನಿಟಿ ಎಂಆರ್-ಲೈನಾಕ್ ಬಳಕೆದಾರರ ಸಮುದಾಯಕ್ಕೆ ಸ್ವಾಗತಿಸುವುದು ನಮಗೆ ಅತ್ಯಂತ ಸಂತೋಷದ ವಿಷಯವಾಗಿದೆ. ಎಲೆಕ್ಟಾದ ಯೂನಿಟಿ ಎಂಆರ್-ಲೈನಾಕ್ ತಂತ್ರಜ್ಞಾನವು ಗಡ್ಡೆಯ ಗುರಿ ಬದಲಾದರೂ, ವೈದ್ಯರು ನಿಖರವಾಗಿ ಗುರುತಿಸಿ, ಆರೋಗ್ಯಕರ ಅಂಗಾಂಶಗಳನ್ನು ಸುರಕ್ಷಿತವಾಗಿರಿಸಲು ನೆರವಾಗುತ್ತದೆ. ವೈದ್ಯರು ಅದನ್ನು ನಿಖರವಾಗಿ ಗುರಿಯಾಗಿಸಿ, ಆರೋಗ್ಯಕರ ಅಂಗಾಂಶಗಳನ್ನು ಸುರಕ್ಷಿತವಾಗಿರಿಸಲು ನೆರವಾಗುತ್ತದೆ.
ತಂತ್ರಜ್ಞಾನವನ್ನು ಆರಂಭಿಕ ಹಂತದಲ್ಲಿಯೇ ಅಳವಡಿಸಿಕೊಳ್ಳುವ ಸಂಸ್ಥೆಯಾಗಿ, ಎಚ್ ಸಿಜಿ ಆಸ್ಪತ್ರೆಗಳು ಸದಾ ಮುಂಚೂಣಿಯಲ್ಲಿದ್ದು, ರೋಗಿಗಳಿಗೆ ನಿಖರತೆ ಮತ್ತು ಉದ್ದೇಶಪೂರ್ವಕ ಚಿಕಿತ್ಸೆಯನ್ನು ಒದಗಿಸುತ್ತಿವೆ. ನಮ್ಮ ಅತ್ಯಾಧುನಿಕ ತಂತ್ರಜ್ಞಾನವು ಉತ್ತಮ ಪ್ರಮಾಣದ ಔಷಧ ವಿತರಣೆ ಮತ್ತು ಸುಧಾರಿತ ದೃಶ್ಯೀಕರಣ ಸಾಮರ್ಥ್ಯಗಳ ಮೂಲಕ ಅವರ ವೈದ್ಯರು ಇನ್ನಷ್ಟು ಪರಿಣಾಮಕಾರಿ ರೋಗಿ ಆರೈಕೆಯನ್ನು ನೀಡಲು ಸಹಕಾರಿಯಾಗಲಿದೆ ಎಂಬ ವಿಶ್ವಾಸ ನಮಗಿದೆ.ಕಾರ್ಯಾಗಾರಗಳು ಮತ್ತು ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮಗಳ ಮೂಲಕ ದೇಶದಲ್ಲಿ ಅಡಾಪ್ಟಿವ್ ರೇಡಿಯೋಥೆರಪಿಯ ಅಳವಡಿಕೆಯನ್ನು ವೇಗಗೊಳಿಸಲು ನಾವು ಎಚ್ಸಿಜಿ ಆಸ್ಪತ್ರೆಗಳೊಂದಿಗೆ ಮತ್ತಷ್ಟು ಸಹಯೋಗ ಮುಂದುವರಿಸಲಿದ್ದೇವೆ. ಈ ಮೂಲಕ ಪ್ರದೇಶದಾದ್ಯಂತ ಉನ್ನತ ಗುಣಮಟ್ಟದ ಕ್ಯಾನ್ಸರ್ ಚಿಕಿತ್ಸೆಯನ್ನು ಉತ್ತೇಜಿಸುವ ನಮ್ಮ ಬದ್ಧತೆಯನ್ನು ನಾವು ಪುನರುಚ್ಚರಿಸುತ್ತೇವೆ.” ಎಂದು ಎಲೆಕ್ಟಾ ಸಂಸ್ಥೆಯ ಟೈಮಿಯಾ ವಿಭಾಗದ ಮುಖ್ಯಸ್ಥ ಫೆರಸ್ ಅಲ್ ಹಸನ್ ಹೇಳಿದರು.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/ISmeQjik4LbG9KvWhKlbCC