ಪಾವಗಡ: ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ ಕಿಲಾರ್ಲಹಳ್ಳಿ ಶಾಲೆಯಲ್ಲಿ ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ ಪ್ರಯುಕ್ತ ವಿಜ್ಞಾನ ವಸ್ತು ಪ್ರದರ್ಶನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು, ಕಾರ್ಯಕ್ರಮದ ನಿರೂಪಣೆಯನ್ನು ವಿಜ್ಞಾನ ಶಿಕ್ಷಕರಾದ ರಾಜಾನಾಯ್ಕ ಎಸ್.ಹೆಚ್. ನೆರವೇರಿಸಿದರು.
ಸರ್ ಸಿ.ವಿ.ರಾಮನ್ ಫೋಟೋ ಪೂಜೆ ಮತ್ತು ಪ್ರಾರ್ಥನೆಯನ್ನು 7ನೇ ತರಗತಿ ಲಾವಣ್ಯ ಮತ್ತು ತಂಡ ನೆರವೇರಿಸಿದರು, ಮುಖ್ಯ ಶಿಕ್ಷಕರಾದ ಚಂದ್ರಪ್ಪ ಸ್ವಾಗತ ಮಾಡಿದರು.
ಕ್ಷೇತ್ರಶಿಕ್ಷಣಾಧಿಕಾರಿಗಳಾದ ಅಶ್ವತ್ಥ ನಾರಾಯಣರವರು ಕಾರ್ಯಕ್ರಮದ ಉದ್ಘಾಟನೆಯನ್ನು ಮಾಡಿ ಮಕ್ಕಳು ಉತ್ತಮ ಕಡಿಮೆ ವೆಚ್ಚದ ಮಾದರಿಗಳನ್ನು ತಯಾರಿಸಲು ವಿಜ್ಞಾನ ಶಿಕ್ಷಕರು ಮತ್ತು ಇತರ ಶಿಕ್ಷಕರು ಪ್ರೋತ್ಸಾಹಿಸಬೇಕು. ಪೋಷಕರು ಮಕ್ಕಳಿಗೆ 1 ರಿಂದ 10 ನೇ ತರಗತಿವರೆಗೆ ಹೆಚ್ಚು ಗಮನ ಕೊಟ್ಟರೆ ಅವರ ಭವಿಷ್ಯ ಉತ್ತಮವಾಗಿರುತ್ತದೆ ಎಂದು ಹೇಳಿದರು.
ತಾಲ್ಲೂಕು ಅಕ್ಷರ ದಾಸೋಹ ಅಧಿಕಾರಿಗಳಾದ ಹನುಮಂತರಾಯಪ್ಪ ಮಾತನಾಡಿ, ಈ ದಿನ ಸಿ.ವಿ. ರಾಮನ್ ರವರಿಗೆ ನೋಬಲ್ ಪ್ರಶಸ್ತಿ ಬಂದ ದಿನ. ಅವರು ಭೌತಶಾಸ್ತ್ರ ವಿಷಯದಲ್ಲಿ ಬೆಳಕಿನ ಚದುರುವಿಕೆಯ ಬಗ್ಗೆ ಕೊಡುಗೆ ಅಪಾರ ಎಂದು ತಿಳಿಸಿದರು.
ಅದೇ ರೀತಿ ಶಿಕ್ಷಣ ಸಂಯೋಜಕರಾದ ಶಿವಮೂರ್ತಿನಾಯ್ಕ ಮಾತನಾಡಿ, ಮಕ್ಕಳು ಯಾವುದೇ ವಿಷಯ ಕಲಿಯಲು ಪ್ರಯತ್ನ ಬೇಕು ಎಂದು ತಿಳಿಸಿದರು. ಅದೇ ರೀತಿ ತಾಲ್ಲೂಕು ಪ್ರಾಥಮಿಕಶಾಲಾ ಸಂಘದ ಪದಾಧಿಕಾರಿಗಳಾದ ರಾಮಾಂಜಿನಪ್ಪ ಮತ್ತು ಸಾವಿತ್ರಮ್ಮರವರು ಈ ದಿನದ ವಿಶೇಷವನ್ನು ಕುರಿತು ಮಾತನಾಡಿದರು.
ಅಲ್ಲಿಂದ ವಿಜ್ಞಾನ ವಸ್ತು ಪ್ರದರ್ಶನ ಕಾರ್ಯಕ್ರಮವನ್ನು ಅಧಿಕಾರಿಗಳು ಜನಪ್ರತಿನಿಧಿಗಳು ವಿಕ್ಷಿಸಿದರು. ಮಕ್ಕಳು ವಿಜ್ಞಾನ ಶಿಕ್ಷಕರಾದ ರಾಜಾನಾಯ್ಕ ಎಸ್.ಹೆಚ್. ರವರ ಮಾರ್ಗದರ್ಶನದಲ್ಲಿ ವಾಕಿಂಗ್ ಮಾದರಿಗಳಾದ ರೋಪ್ ವೇ, ವಿದ್ಯುತ್ ವಾಹಕ ಅವಾಹಕಗಳು, ಸೋಲಾರ್ ವಾಟರ್ ಹೀಟರ್ , ವ್ಯಾಕುಮ್ ಕ್ಲೀನರ್ , ವಿದ್ಯುತ್ ಸರಣಿ ಮತ್ತು ಸಮಾಂತರ ಮಾದರಿಗಳು , ಉಷ್ಣ ವಾಹಕಗಳು, ಶಕ್ತಿಯ ನಾನಾ ರೂಪಗಳು, ಶ್ವಾಸಕೋಶ, ರಾಸಾಯನಿಕ ಬದಲಾವಣೆಗಳು, ಸಿಂಟೆಕ್ಸ್ ತುಂಬಿದಾಗ ಎಚ್ಚರಿಕೆ ಕೊಡುವ ಮಾದರಿ, ಮಿನಿ ಎ ಟಿ ಎಮ್ ಮುಂತಾದ ಕಡಿಮೆ ವೆಚ್ಚದ ಮಾದರಿಗಳು ತಯಾರಿಸಿದ್ದರು.
ಅಧ್ಯಕ್ಷತೆ, ಎಸ್ ಡಿ ಎಂ ಸಿ ಅಧ್ಯಕ್ಷರಾದ ರಮೇಶ್ ಮಾತನಾಡಿ, ಕಾರ್ಯಕ್ರಮದ ಯಶಸ್ಸಿಗೆ ಕಾರಣದ ವಿಜ್ಞಾನ ಶಿಕ್ಷಕರು , ಇತರೆ ಶಿಕ್ಷಕರು ಮುಖ್ಯ ಶಿಕ್ಷಕರ ಕಾರ್ಯದ ಬಗ್ಗೆ ಶ್ಲಾಘಿಸಿದರು.
ಈ ಸಂದರ್ಭದಲ್ಲಿ ಶಿಕ್ಷಣ ಸಂಯೋಜಕರಾದ ಶಿವಕುಮಾರ್, ಸಿ ಆರ್ ಪಿ ಗಳಾದ ವಸಂತ್ ಕುಮಾರ್ ಮತ್ತು ಗಂಗಾಧರ್ , ಗ್ರಾಮ ಪಂಚಾಯತ್ ಸದಸ್ಯರಾದ ಹನುಮಂತನಾಯ್ಕ, ಎಸ್ ಡಿ ಎಂ ಸಿ ಸದಸ್ಯರಾದ ಶಂಕರ್ ನಾಯ್ಕ, ಹನುಮಂತಪ್ಪ, ಶಿಕ್ಷಣ ಆಸಕ್ತರಾದ ನಾಗರಾಜನಾಯ್ಕ ಪೋಷಕರು , ಶಿಕ್ಷಕಿಯರಾದ ಲಕ್ಷ್ಮೀದೇವಿ, ರೇಣುಕಮ್ಮ ಹಾಜರಿದ್ದರು.
ವರದಿ: ರಾಮಪ್ಪ, ಸಿ.ಕೆ.ಪುರ. ಪಾವಗಡ
ನಮ್ಮತುಮಕೂರು.ಕಾಂನ ಕ್ಷಣ ಕ್ಷಣದ ಸುದ್ದಿಗಳನ್ನು ಪಡೆದುಕೊಳ್ಳಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 9686399493 ನಂಬರ್ ಸೇರಿಸಿಕೊಳ್ಳಿ.
ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/Co3qCxRDyz3FBQg7y8GfBB