ತುರುವೇಕೆರೆ: ಶಿಕ್ಷಣ ಸಚಿವ ,ಬಿ.ಸಿ ನಾಗೇಶ್ ರಾಜೀನಾಮೆಗೆ ಹಾಗೂ ರೋಹಿತ್ ಚಕ್ರತೀರ್ಥ ಅವರನ್ನು ಪಠ್ಯ ಪರಿಷ್ಕರಣೆ ಸಮಿತಿ ಅಧ್ಯಕ್ಷ ಸ್ಥಾನದಿಂದ ವಜಾಗೊಳಿಸಿ ಬಂಧಿಸಬೇಕು ಎಂದು ಒತ್ತಾಯಿಸಿ ಪಟ್ಟಣದಲ್ಲಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ , ಚಲವಾದಿ ಮಹಾಸಭಾ, ಸಿ.ಐ.ಟಿ.ಯು ., ವಾಲ್ಮೀಕಿ ನಾಯಕ ಸಮಾಜ , ಮುಸ್ಲಿಂ ಸಂಘಟನೆ ಹಾಗೂ ಸಮಾನ ಮನಸ್ಕರ ವೇದಿಕೆ ವತಿಯಿಂದ ಬೃಹತ್ ಪ್ರತಿಭಟನೆ ನಡೆಯಿತು.
ರಾಜ್ಯ ಬಿಜೆಪಿ ಸರ್ಕಾರ ಶಾಲಾ ಪಠ್ಯ ಪುಸ್ತಕಗಳ ಪರಿಷ್ಕರಣೆ ಮಾಡುತ್ತಿದ್ದು, ಈ ಮೂಲಕ ದಲಿತರ, ಮಹಿಳೆಯರ , ಶೂದ್ರರ, ವೈಚಾರಿಕ ವಾದಿಗಳ , ಬರಹಗಳಿಗೆ ತಿಲಾಂಜಲಿ ನೀಡಲಾಗಿದೆ. ಪೆರಿಯಾರ್ ಅಂಬೇಡ್ಕರ್ , ಭಗತ್ ಸಿಂಗ್ ಕುರಿತ ಬರಹಗಳನ್ನು ಕೈಬಿಟ್ಟು, ಸನಾತನ, ಜಾತಿವಾದಿ ಬ್ರಾಹ್ಮಣ್ಯಶಾಹಿ ಮತ್ತು ಮಹಿಳಾ ವಿರೋಧಿ ಬರಹಗಳನ್ನು ಸೇರಿಸಲಾಗಿದೆ ಎಂದು ಪ್ರತಿಭಟನಾಕಾರರು ಆಕ್ರೋಶ ವ್ಯಕ್ತಪಡಿಸಿದರು.
ಶಾಲಾ ಮಕ್ಕಳ ಪಾಠಗಳನ್ನು ಮನುಸ್ಮೃತಿ ಯನ್ನಾಗಿ ಮಾಡಲಾಗುತ್ತಿದೆ. ಕುವೆಂಪು, ಅಂಬೇಡ್ಕರ್, ಸೇರಿದಂತೆ ಶೂದ್ರ, ದಲಿತ ಚಿಂತಕರನ್ನು ಅವಹೇಳನ ಮಾಡಿದ ಅವರ ಬರಹಗಳನ್ನು , ಬ್ರಾಹ್ಮಣ್ಯದ ಅಹಂನಿಂದ ಕುಹಕ ಮಾಡಿದ , ಜೀವವಿರೋಧಿ , ರೋಹಿತ್ ಚಕ್ರತೀರ್ಥ ನೆಂಬ ಅನರ್ಹ , ಹಸಿ ಸುಳ್ಳುಗಳನ್ನು ಹರಡಿಸುವ ವ್ಯಕ್ತಿಯನ್ನು ಪರಿಷ್ಕರಣ ಸಮಿತಿ ಅಧ್ಯಕ್ಷರನ್ನಾಗಿ ಮಾಡಿರುವ ಸರ್ಕಾರ ಮಕ್ಕಳ ಮನಸ್ಸಿಗೆ ವಿಷವಿಕ್ಕಿದೆ ಎಂದು ಪ್ರತಿಭಟನಾಕಾರರು ದೂರಿದರು.
ಈ ಕೂಡಲೇ ಪರಿಷ್ಕರಣ ಸಮಿತಿಯನ್ನು ವಜಾ , ಮಾಡಬೇಕು , ಹಳೆಯ ಪಾಠಗಳನ್ನೇ ಮುಂದುವರಿಸಬೇಕು, ಶೂದ್ರತಪಸ್ವಿ ಕುವೆಂಪುರವರನ್ನು, ಅವಹೇಳನ ಮಾಡಿದ ಚಕ್ರತೀರ್ಥ ನ ಮೇಲೆ ಕ್ರಮ ,ಕೈಗೊಳ್ಳಬೇಕೆಂದು ಒತ್ತಾಯಿಸಿ ದರು.
ಈ ಸಮಿತಿಗೆ ರಚನೆಗೆ ಕಾರಣರಾದ ಶಿಕ್ಷಣ ಸಚಿವ, ಬಿ.ಸಿ .ನಾಗೇಶ್ ಕೂಡಲೇ ತಮ್ಮ ಶಾಸಕ ಸ್ಥಾನ ಹಾಗೂ ಸಚಿವ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ಪ್ರತಿಭಟನಾಕಾರರು ಆಗ್ರಹಿಸಿದರು.
ಪ್ರತಿಭಟನಾ ಮೆರವಣಿಗೆಯಲ್ಲಿ ನೂರಾರು ಸಂಖ್ಯೆಯಲ್ಲಿ ಜನ ಭಾಗವಹಿಸಿದ್ದರು . ಅಂಬೇಡ್ಕರ್ ಭವನದಿಂದ ,ಪ್ರಾರಂಭವಾದ ,ಮೆರವಣಿಗೆ ,ಪಟ್ಟಣದ ಪ್ರಮುಖ ರಸ್ತೆಯಲ್ಲಿ ,ಸಂಚರಿಸಿ ,ಸರ್ಕಾರದ ವಿರುದ್ಧ, ಶಿಕ್ಷಣ ಸಚಿವರ ವಿರುದ್ದ, ರೋಹಿತ್ ಚಕ್ರತೀರ್ಥ ವಿರುದ್ಧ ಘೋಷಣೆ ಕೂಗುತ್ತ ತಾಲೂಕು ಕಚೇರಿ ವೃತ್ತದಲ್ಲಿ ಮಾನವ ಸರಪಳಿ ನಿರ್ಮಿಸಲಾಯಿತು.
ಇದೇ ವೇಳೆ ತಾಲೂಕು ಕಚೇರಿಗೆ ತೆರಳಿದ ಪ್ರತಿಭಟನಾಕಾರರು ತಹಸೀಲ್ದಾರ್ ,ನಯೀಮ್ ಉನ್ನಿಸ್ಸ ರವರ ಮುಖಾಂತರ ಸರ್ಕಾರಕ್ಕೆಮನವಿ ಪತ್ರ ನೀಡಿದರು. ಪ್ರತಿಭಟನೆಯಲ್ಲಿ ಪ್ರೊಫೆಸರ್ ಪುಟ್ಟರಂಗಪ್ಪ, ವಕೀಲರಾದ ಪಿ.ಹೆಚ್.ಧನಪಾಲ್ , ನಿವೃತ್ತ ಪ್ರಾಧ್ಯಾಪಕ ಪರಮೇಶ್ವರ ಸ್ವಾಮಿ, ದಲಿತ ಮುಖಂಡ ಟಿ.ಹೆಚ್.ಗುರುದತ್ . ಸಿ.ಐ. ಟಿ.ಯು.ನ ಸತೀಶ್ ಪ್ರತಿಭಟನೆಯನ್ನುದ್ದೇಶಿಸಿ ಮಾತನಾಡಿದರು.
ವರದಿ: ಸುರೇಶ್ ಬಾಬು .ಎಂ.ತುರುವೇಕೆರೆ
ನಮ್ಮತುಮಕೂರು.ಕಾಂನ ಕ್ಷಣ ಕ್ಷಣದ ಸುದ್ದಿಗಳನ್ನು ಪಡೆದುಕೊಳ್ಳಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 9686399493 ನಂಬರ್ ಸೇರಿಸಿಕೊಳ್ಳಿ.
ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/LV1k4NzQEjNBnyYQyGVYP5