ಬರ್ಲಿನ್ ಹೋಟೆಲ್‌ ನ ಪ್ರಸಿದ್ಧ ದೈತ್ಯ ಅಕ್ವೇರಿಯಂ ಕುಸಿದಿದೆ 200,000 ಗ್ಯಾಲನ್ ನೀರು ಮತ್ತು 1,500 ಉಷ್ಣವಲಯದ ಮೀನುಗಳನ್ನು ಹೊಂದಿರುವ ದೈತ್ಯ ಅಕ್ವೇರಿಯಂ ಇಂದು ಬೆಳಿಗ್ಗೆ ಕುಸಿದಿದೆ. ಅಕ್ವೇರಿಯಂನ ಎತ್ತರ 52 ಅಡಿ. ಬರ್ಲಿನ್‌ನ ರಾಡಿಸನ್ ಬ್ಲೂ ಹೋಟೆಲ್‌ನಲ್ಲಿ ಸ್ಥಾಪಿಸಲಾದ ದೈತ್ಯ ಅಕ್ವೇರಿಯಂ ಕುಸಿದು ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಸ್ವಲ್ಪ ಸಮಯದೊಳಗೆ ನೀರು ಮತ್ತು ಒಡೆದ ಗಾಜು ಹೋಟೆಲ್‌ನಾದ್ಯಂತ ಹರಡಿದ್ದರಿಂದ ಸುಮಾರು 300 ಅತಿಥಿಗಳನ್ನು ಹೋಟೆಲ್‌ನಿಂದ ಸ್ಥಳಾಂತರಿಸಲಾಯಿತು ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ದೈತ್ಯ ಅಕ್ವೇರಿಯಂ ಕುಸಿತದ ನಂತರ ಹೋಟೆಲ್‌ನ ದೃಶ್ಯಗಳು ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ಗಮನ ಸೆಳೆಯುತ್ತಿವೆ.
ಮಧ್ಯರಾತ್ರಿಯಲ್ಲಿ ಬರ್ಲಿನ್‌ನ ಉಷ್ಣತೆಯು ಮೈನಸ್ 14 ಡಿಗ್ರಿ ಫ್ಯಾರನ್‌ಹೀಟ್‌ಗೆ ಇಳಿದಾಗ ನೀರು ಹೆಪ್ಪುಗಟ್ಟಿ, ಅಕ್ವೇರಿಯಂ ಕುಸಿಯಲು ಕಾರಣವಾಯಿತು ಎಂಬುದು ಆರಂಭಿಕ ತೀರ್ಮಾನ.
ಕುಸಿದ ಅಕ್ವೇರಿಯಂನಿಂದ ಸುಮಾರು 10 ಲಕ್ಷ ಲೀಟರ್ ನೀರು ಮತ್ತು ಮೀನುಗಳು ಸಮೀಪದ ಬೀದಿಗೆ ಹರಿಯಿತು. ಸುಮಾರು 100 ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.
ದೈತ್ಯ ಅಕ್ವೇರಿಯಂ ಅನ್ನು 30 ಅಡಿ ಎತ್ತರದ ಅಡಿಪಾಯದ ಮೇಲೆ ಜೋಡಿಸಲಾಗಿದೆ. ಅಕ್ವೇರಿಯಂ ಸ್ವಚ್ಛಗೊಳಿಸಲು ಮತ್ತು ಮೀನುಗಳಿಗೆ ಆಹಾರ ನೀಡಲು ಹೋಟೆಲ್‌ನಲ್ಲಿ ನಾಲ್ವರು ಸಿಬ್ಬಂದಿ ಇದ್ದರು.
ನಮ್ಮತುಮಕೂರು.ಕಾಂನ ಕ್ಷಣ ಕ್ಷಣದ ಸುದ್ದಿಗಳನ್ನು ಪಡೆದುಕೊಳ್ಳಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 9686399493 ನಂಬರ್ ಸೇರಿಸಿಕೊಳ್ಳಿ.
ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/L4EDpegaxhmLTkOnd50sAy