ತುರುವೇಕೆರೆ: ಜಿಲ್ಲಾದ್ಯಂತ ಬರದ ಭೀಕರತೆ ಕುರಿತು ಸರ್ಕಾರಕ್ಕೆ ಮಾಹಿತಿ ನೀಡುವ ಸಲುವಾಗಿ ಉಪ ಮುಖ್ಯಮಂತ್ರಿ ಡಾ.ಜಿ.ಪರಮೇಶ್ವರ್ ತಾಲೂಕಿಗೆ ಆ. 11ರಂದು ನಿಗದಿತ ಸಮಯಕ್ಕಿಂತ ತಡವಾಗಿ ಆಗಮಿಸಿ, ಹೆಲಿಕಾಪ್ಟರ್ ನಿಂದಿಳಿಯುತ್ತಿದ್ದಂತೆಯೇ ಬಸ್ ನ್ನೇರಿ ವೀಕ್ಷಣೆ ಮಾಡದೆ ಕೇವಲ ಬಾಗಿಲಲ್ಲಿ ನಿಂತು ಬೀಜ ಬಿತ್ತನೆಯಿದ್ದ ಕೈಗಳಿಗೆ ಸಾಂಕೇತಿಕವಾಗಿ ವಿತರಿಸಿ, ಕೆ.ವಿ.ಆರ್.ಸಿಗೆ ತೆರಳಿದ್ದರಿಂದ ತಾಲೂಕಿನ ರೈತರಿಗೆ ನಿರಾಶೆಯುಂಟಾಯಿತು.
ಬರ ಅಧ್ಯಯನ ಮಾಡುವ ಸಲುವಾಗಿ ಅಂದು ಬೆಳಗ್ಗೆ 11.30 ಕ್ಕೆ ತಾಲೂಕಿನ ನಿಡಘಟ್ಟ ಗ್ರಾಮದಲ್ಲಿ ಬರ ಅಧ್ಯಯನಕ್ಕೆ ಡಿಡಿಎಂ ಬರಲಿದ್ದಾರೆ ಎಂದು ಸೂಚಿಸಲಾಗಿತ್ತು. ಆದರೆ ಕೊನೆ ಗಳಿಗೆಯಲ್ಲಿ ಬದಲಾಯಿತು. ಗದ್ದೆ ಬದಿಯಲ್ಲಿ ಬರ ಅಧ್ಯಯನ ಮಾಡುವವರು ಎಂದು ತಿಳಿದ ತಾಲೂಕಿನ ರೈತರು, ಕಾಂಗ್ರೆಸ್ ಮುಖಂಡರು ಹಾಗೂ ಕಾರ್ಯಕರ್ತರು 11 ಗಂಟೆಗೆ ಸ್ಥಳಕ್ಕೆ ಜಮಾಯಿಸಿದ್ದರು. ಆದರೆ ಡಿಡಿಎಂ ಕುಣಿಗಲ್ ನಲ್ಲಿ ಬರ ಅಧ್ಯಯನ ಮುಗಿಸಿ ಮಾಯಾಸಂದ್ರಕ್ಕೆ ಬರುವ ವೇಳೆಗೆ 3 ಗಂಟೆ ತಡವಾಗಿತ್ತು.
ಉಪ ಮುಖ್ಯಮಂತ್ರಿಗಳ ಬರುವಿಕೆ ನಿರೀಕ್ಷಿಸುತ್ತಿದ್ದಂತಹ ಕಾಯುತ್ತಿದ್ದ ಜನರು ಅವರು ಕಾರಿನಿಂದಿಳಿಯುತ್ತಿದ್ದಂತೆ ಜನರು ಒಮ್ಮೆಲೆ ಅವರನ್ನು ಮುತ್ತಿಗೆ ಹಾಕಿದರು. ಭೂಮಿಯಲ್ಲಿ ಬಿತ್ತಿದ್ದ ಬೀಜ ಬರಲೋ ಬೇಡವೋ ಎಂಬ ಸ್ಥಿತಿಯಲ್ಲಿದ್ದ ಜಾಗಕ್ಕೆ ಕರೆದುಕೊಂಡು ಹೋಗಬೇಕೆನ್ನುವುದು ಅಧಿಕಾರಿಗಳ ಉದ್ದೇಶವಾಗಿದ್ದರೂ ಸಹ ಡಿಡಿಎಂ ಉಪಸಚಿವರು ದಾರಿಯುದ್ದಕ್ಕೂ ಕಾರಿನಿಂದ ಇಳಿಯುತ್ತಿರಲಿಲ್ಲ.
ಶಾಸಕ ಎಂ.ಟಿ.ಕೃಷ್ಣಪ್ಪನವರು ಮೊದಲೇ ಸಿದ್ಧಪಡಿಸಿದ ಬೀಜ ವಿತರಣೆ ಸ್ಥಳಕ್ಕೆ ಅವರನ್ನು ಕರೆದುಕೊಂಡು ಬಂದು ರೈತ ಫಲಾನುಭವಿಗಳಿಗೆ ಉಪ ಮುಖ್ಯಮಂತ್ರಿಗಳ ಮುಖಾಂತರ ಸಾಂಕೇತಿಕವಾಗಿ ಬಿತ್ತನೆ ಬೀಜಗಳನ್ನು ವಿತರಣೆ ಮಾಡಲಾಯಿತು. ಹಸಿವಿನಿಂದ ಬಳಲಿದ ಡಾ.ಜಿ.ಪರಮೇಶ್ವರ್ ಅವರೂ ಸಹ ಜಮೀನಿನತ್ತ ಹೆಜ್ಜೆ ಹಾಕಲು ಮನಸ್ಸು ಮಾಡದೇ ಕೇವಲ 20 ನಿಮಿಷಗಳಲ್ಲಿ ತುರುವೇಕೆರೆ ತಾಲೂಕು ಭೇಟಿ ಮುಗಿಸಿ ಕಾರಿನಲ್ಲಿ ಕೆ.ವಿ.ಆರ್.ಸಿಗೆ ತೆರಳಿದರು.
ಶಾಸಕ ಎಂ.ಟಿ.ಕೃಷ್ಣಪ್ಪ, ಕುಣಿಗಲ್ ಶಾಸಕ ರಂಗನಾಥ್, ಡಿ.ಜಿ.ಸುಭಾಷ್ ಕುಮಾರ್, ಎ.ಸಿ. ಶಂಭವಿ, ಕೃಷಿ ನಿರ್ದೇಶಕ ಬಿ.ಪ್ರದೀಪ್, ತಹಶೀಲ್ದಾರ್ ಕುಂಞಿ ಅಹಮದ್, ಪಶು ಸಂಗೋಪನಾ ಇಲಾಖಾಧಿಕಾರಿ ಡಾ.ದೇವಾನಂದಪ್ಪ, ಬೆಸ್ಕಾಂ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ರಾಜೇಂದ್ರ, ಮೃತರ ಪರಿಹಾರ ಸಮಿತಿ ಅಧ್ಯಕ್ಷ ಸುಬ್ರಹ್ಮಣ್ಯ ಪ್ರಸನ್ನ ಕುಮಾರ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೋಲಾಲ್ ನಾಗರಾಜು, ಎನ್.ಆರ್.ಜಯರಾಮ್, ಕೆಪಿಸಿಸಿ ಸದಸ್ಯ ಗೀತಾ ರಾಜಣ್ಣ, ಎಸ್.ಪಿ.ರಾಜಣ್ಣ, ಬಿ.ಎಸ್.ಸಂತೋಷ್ಕುಮಾರ್, ಎಪಿಎಂಸಿ ಸದಸ್ಯ ಪುಟ್ಟಸ್ವಾಮಿ, ಶ್ರೀಕಂಠೇಗೌಡ, ಕೊಂಪ, ಗಂಗಾಧರಪ್ಪ, ಶಶಿಧರಾಜು, ನಂಜುಂಡಪ್ಪ, ಹರ್ಷತ್ ಸೇರಿದಂತೆ ನೂರಾರು ಕಾಂಗ್ರೆಸ್ ಮುಖಂಡರು ಹಾಗೂ ರೈತರು ಪಾಲ್ಗೊಂಡಿದ್ದರು.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/CtZPUt7bwkaJkX2T6hAwZI