ತುಮಕೂರು: ಮತದಾರರ ಪಟ್ಟಿ ತೀವ್ರ ಪರಿಷ್ಕರಣೆ (ಎಸ್ ಐ ಆರ್) ಅಭಿಯಾನ ರಾಜ್ಯದೆಲ್ಲೆಡೆಯಂತೆ ಜಿಲ್ಲೆಯಲ್ಲಿಯೂ ಜೂ. 30 ರಿಂದ ಆರಂಭ ಗೊಂಡಿದ್ದು, ಮನೆ ಮನೆ ಭೇಟಿ ಭಾಗವಾಗಿ ಜುಲೈ 2ರ ಅಂತ್ಯಕ್ಕೆ ಒಟ್ಟು 5,15,328 ಸಂಖ್ಯೆಯ ಎನ್ಮುಮರೇಷನ್ ಅರ್ಜಿಗಳನ್ನು ಮತದಾರರಿಗೆ ಕಳೆದ 3 ದಿನಗಳಲ್ಲಿ ವಿತರಿಸಲಾಗಿದೆ ಎಂದು ಜಿಲ್ಲಾ ಚುನಾವಣಾಧಿಕಾರಿಗಳಾದ ಜಿಲ್ಲಾಧಿಕಾರಿ ಶುಭ ಕಲ್ಯಾಣ್ ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಈ ತಿಂಗಳ 29ರವರೆಗೆ ಎನ್ಮುಮರೇಷನ್ ಫಾರಂ ವಿತರಣೆ ಹಾಗೂ ಡಿಜಿಟೈಸ್ಡ್ ಕಾರ್ಯ ನಡೆಯಲಿದ್ದು, ಜಿಲ್ಲೆಯಲ್ಲಿ ಪಟ್ಟಿ ಮಾಡಿರುವ 22,98,879 ಮತದಾರರ ಪೈಕಿ ಕಳೆದ ಮೂರು ದಿನಗಳಲ್ಲಿ 5,15,328 ಮಂದಿ ಮತದಾರರಿಗೆ ಅರ್ಜಿಯನ್ನು ಮನೆಮನೆ ಭೇಟಿಯಲ್ಲಿ ಖುದ್ದು ವಿತರಿಸಿದ್ದು, ಶೇ. 22.42ರಷ್ಟು ಪ್ರಗತಿಯಾಗಿದೆ. ಆನ್ ಲೈನ್ ಮೂಲಕ ಅರ್ಜಿ ಭರ್ತಿ ಮಾಡಿ 1025 ಮಂದಿ ಸಲ್ಲಿಕೆ ಮಾಡಿದ್ದಾರೆ. ಈ ಪೈಕಿ ಬಿಎಲ್ಒಗಳ ಮನೆ ಮನೆಭೇಟಿಯಲ್ಲಿ 91 ಮತದಾರರನ್ನು ಎಎಸ್ಡಿಡಿಟಿ (ಮೃತರು, ಸ್ಥಳಾಂತರಗೊಂಡವರು) ಪಟ್ಟಿಯಲ್ಲಿ ಗುರುತಿಸಲಾಗಿದ್ದು, 25 ಮಂದಿ ಶಾಶ್ವತವಾಗಿ ಸ್ಥಳಾಂತರ ಗೊಂಡಿರುವುದು ಪತ್ತೆಯಾಗಿದೆ. ಉಳಿದಂತೆ 59 ಮಂದಿ ಮತದಾರರು ಮೃತರಾಗಿರುವುದು ಪತ್ತೆಯಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ವಿಧಾನ ಸಭಾವಾರು ಮತದಾರರ ಅಂಕಿ-ಅಂಶ:
ಚಿಕ್ಕನಾಯಕನಹಳ್ಳಿ ಕ್ಷೇತ್ರದಲ್ಲಿ 2,20,625 ಮತದಾರರ ಪೈಕಿ ಈವರೆಗೆ 46,746 ಮಂದಿಗೆ ಎನ್ಮುಮರೇಷನ್ ಫಾರಂ ಕೊಟ್ಟಿದ್ದು, 427 ಸಂಖ್ಯೆಯಷ್ಟು ಡಿಜಿಟಲ್ ದಾಖಲೀಕರಣ ವಾಗಿದೆ. ತಿಪಟೂರಿನಲ್ಲಿ 1,86,174 ಮತದಾರರಲ್ಲಿ 62,867 ಮತದಾರರಿಗೆ ಫಾರಂ ಹಂಚಿದ್ದು, 152 ಮತದಾರರ ಅರ್ಜಿಗಳು ದಾಖಲೀಕರಣ ವಾಗಿದೆ. ತುರುವೇಕೆರೆಯಲ್ಲಿ 1,83,547 ಮಂದಿ ಮತದಾರರ ಪೈಕಿ 44,757 ಮಂದಿಗೆ ಅರ್ಜಿ ವಿತರಿಸಿ 236 ಅರ್ಜಿಗಳನ್ನು ಡಿಜಿಟಲ್ ದಾಖಲೀಕರಣ ಮಾಡಲಾಗಿದೆ. ಕುಣಿಗಲ್ನಲ್ಲಿ 2,05,998 ಮತದಾರರ ಪೈಕಿ 42,658 ಮತದಾರರಿಗೆ ಅರ್ಜಿ ವಿತರಿಸಿದ್ದು, 1395 ಮಂದಿ ಅರ್ಜಿಯನ್ನು ದಾಖಲೀಕರಣಗೊಳಿಸಲಾಗಿದೆ. ತುಮಕೂರು ನಗರದ 2,73,825 ಮತದಾರರ ಪೈಕಿ 50546 ಮತದಾರರಿಗೆ ಅರ್ಜಿ ವಿತರಿಸಿದ್ದು, 1008 ಅರ್ಜಿ ಡಿಜಿಟಲೀಕರಣಗೊಂಡಿದೆ. ತುಮಕೂರು ಗ್ರಾಮಾಂತರ ಕ್ಷೇತ್ರ ವ್ಯಾಪ್ತಿಯ 2,11,783 ಮತದಾರರ ಪೈಕಿ 31,769 ಮತದಾರರಿಗೆ ಅರ್ಜಿ ವಿತರಿಸಿ 1172 ಮಂದಿಯ ಅರ್ಜಿಗಳನ್ನು ದಾಖಲೀಕರಣಮಾಡಲಾಗಿದೆ. ಅದೇ ರೀತಿ ಕೊರಟಗೆರೆ ತಾಲ್ಲೂಕಿನ 2,09,495 ಮತದಾರರ ಪೈಕಿ 56770 ಮತದಾರರಿಗೆ ಅರ್ಜಿ ನೀಡಿದ್ದು, 1992 ಮಂದಿಯ ಅರ್ಜಿ ಡಿಜಿಟಲ್ ರೂಪದಲ್ಲಿ ದಾಖಲೀಕರಣಗೊಳಿಸಲಾಗಿದೆ. ಗುಬ್ಬಿ ಕ್ಷೇತ್ರದ 1,83,919 ಮತದಾರರ ಪೈಕಿ 38863 ಮಂದಿಗೆ ಅರ್ಜಿ ನೀಡಲಾಗಿದ್ದು, 3990 ಮಂದಿಯ ಅರ್ಜಿ ದಾಖಲೀಕರಣ ಮಾಡಲಾಗಿದೆ. ಸಿರಾ ಕ್ಷೇತ್ರದಲ್ಲಿ 2,30,792 ಮತದಾರರ ಪೈಕಿ 56,633 ಮಂದಿಗೆ ಅರ್ಜಿ ವಿತರಿಸಿದ್ದು, 959 ಅರ್ಜಿಗಳು ಡಿಜಿಟಲೀ ದಾಖಲೀಕರಣವಾಗಿದೆ. ಪಾವಗಡ ಕ್ಷೇತ್ರದಲ್ಲಿ 1,98,925 ಮತದಾರರ ಪೈಕಿ 29884 ಅರ್ಜಿಗಳು ವಿತರಣೆಯಾಗಿದ್ದು, 2349 ಅರ್ಜಿಗಳು ಡಿಜಿಟಲೀಕರಣಗೊಂಡಿದೆ. ಮಧುಗಿರಿ ವಿಧಾನಸಭಾ ಕ್ಷೇತ್ರದಲ್ಲಿ 1,93,794 ಮತದಾರರ ಪೈಕಿ 53,835 ಮತದಾರರಿಗೆ ಅರ್ಜಿಗಳನ್ನು ನೀಡಲಾಗಿದ್ದು, ಇವುಗಳಲ್ಲಿ 1307 ಸಂಖ್ಯೆಯ ಅರ್ಜಿಗಳು ಡಿಜಿಟಲೀ ದಾಖಲೀಕರಣಗೊಂಡಿವೆ.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/ISmeQjik4LbG9KvWhKlbCC
