ತುಮಕೂರು: ಆನ್ ಲೈನ್ ಶಾಪಿಂಗ್ ಮಾಡುವ ಮುನ್ನ ಸಾರ್ವಜನಿಕರು, ಅದರಲ್ಲೂ ಯುವ ಸಮುದಾಯ ಎಚ್ಚೆತ್ತುಕೊಳ್ಳಬೇಕಿದೆ. ಆನ್ ಲೈನ್ ಶಾಪಿಂಗ್ ನಲ್ಲಿ ಯುವಕನೊಬ್ಬನಿಗೆ ಬರೋಬ್ಬರಿ 44 ಸಾವಿರಕ್ಕೂ ಅಧಿಕ ಹಣ ವಂಚಿರುವ ಘಟನೆ ನಗರದಲ್ಲಿ ಬೆಳಕಿಗೆ ಬಂದಿದೆ.
ಇನ್ ಸ್ಟಾ ಗ್ರಾಮ್ ನ ಕ್ರಿಕೆಟ್ ಗ್ಯಾಲರಿ 68 ಖಾತೆಯೊಂದರಲ್ಲಿ ಕ್ರಿಕೆಟ್ ಕಿಟ್ ಖರೀದಿ ಮಾಡಲು ಹೋದ ಯುವಕನೊಬ್ಬ 44,999 ರೂ ಸಾವಿರ ಹಣ ಕಳೆದುಕೊಂಡಿರುವ ಘಟನೆ ನಡೆದಿದ್ದು, ಈ ಬಗ್ಗೆ ನಗರದ ಎನ್ ಇಪಿಎಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಏ.19ರಂದು ತುಮಕೂರಿನ ಹಾಸ್ಟೆಲ್ ವಿದ್ಯಾರ್ಥಿ ಎಸ್.ಡಿ.ಪಾಟೀಲ್ ಎಂಬಾತ ಕ್ರಿಕೆಟ್ ಕಿಟ್ ಅನ್ನು ಬುಕ್ಕಿಂಗ್ ಮಾಡಿದ್ದು, ನಿನ್ನ ವಿಳಾಸಕ್ಕೆ ಕ್ಯಾಶ್ ಆಂಡ್ ಡಿಲಿವರಿ ಇಲ್ಲ ಎಂದು ವಂಚಕರಿಂದ ಸಂದೇಶ ಬಂದಿತ್ತು. ಇದನ್ನು ನಂಬಿ ವಿವಿಧ ಹಂತದಲ್ಲಿ ಒಟ್ಟು 44,999 ರೂಗಳನ್ನು ತನ್ನ ಹಾಗೂ ತನ್ನ ಸ್ನೇಹಿತನ ಖಾತೆಯಿಂದ ಯುವಕ ಆನ್ ಲೈನ್ ಪಾವತಿ ಮಾಡಿದ್ದಾನೆ.
ಏ.26ರಂದು ಕಿಟ್ ಬಾರದ ಇದ್ದ ಹಿನ್ನೆಲೆಯಲ್ಲಿ ವಿಚಾರಿಸಿದಾಗ ಬೇರೆ ಕಿಟ್ ಕಳುಹಿಸುತ್ತೇವೆ ಇನ್ನಷ್ಟು ಹಣ ಪಾವತಿಸಿ ಎಂದು ವಂಚಕರು ಬೇಡಿಕೆ ಇಟ್ಟಿದ್ದಾರೆ. ಇದಾದ ಬಳಿಕ ತಾನು ಮೋಸಹೋಗುತ್ತಿರುವುದು ಅರಿವಾಗಿದ್ದು 1930 ಸಹಾಯವಾಣಿಗೆ ಕರೆ ಮಾಡಿ ನಂತರ ಎನ್ ಇಪಿಎಸ್ ಠಾಣೆಗೆ ಲಿಖಿತ ದೂರು ನೀಡಿದ್ದಾರೆ.
ನಮ್ಮತುಮಕೂರಿನ ಕ್ಷಣ ಕ್ಷಣದ ಸುದ್ದಿಗಳನ್ನು ನಿರಂತರವಾಗಿ ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8123382149 ಸಂಖ್ಯೆಯನ್ನು ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/ISmeQjik4LbG9KvWhKlbCC